20 гадоў – 20 кіламетраў. Велапрабег у Брэсце да юбілею БАЖ
14 верасня 2015
Разам з сябрамі мясцовай філіі ГА “БАЖ” у вандроўцы бралі ўдзел мясцовыя прыхільнікі роварнага руху ў Брэсце з велаклуба “РаДзея”.
Алег Супрунюк гутарыць з удзельнікамі велапрабегу
Перад пачаткам велапрабегу кіраўнік брэсцкай філіі ГА “БАЖ” Алег Супрунюк распавёў пра гісторыю стварэння ГА “Беларуская асацыяцыя журналістаў”, асноўныя накірункі дзейнасці арганізацыі, найбольш важныя падзеі за 20 гадоў яе існавання.
Удзельнікам было прапанавана праехаць на ровары сімвалічную дыстанцыю ў 20 кіламетраў, стартаваўшы ад пляцоўкі ля археалагічнага музея “Бярэсце”.
Прапанаваны велаклубам “РаДзея” маршрут (ад Брэсцкай крэпасці ўздоўж ракі Мухавец) павінен быў прыцягнуць увагу журналістаў да праблем, з якімі сутыкаюцца аматары роварнага руху ў Брэсце.
“Мне падаецца, што пасля гэтага прабегу ў прадстаўнікоў СМІ з’явіцца дадатковая матывацыя спрыяць усталяванню ў нашым горадзе добрых умоў для тых, хто рэгулярна карыстаецца роварам”, – адзначыў старшыня велаклуба “РаДзея” Валянцін Балдэнка.
@bajmedia
Нікому там не патрэбныя? Як справы беларускіх блогераў і прапагандыстаў у Рутубе
07.08.2024
Ён быў першым з журналістаў, які стаў персанальным ворагам рэжыму. Восем гадоў з забойства Паўла Шарамета
20.07.2024
«Нізкая хуткасць, дызайн 2011 году»: Як працуе новаствораны «свой YouTube» і якія праекты ў ІТ спрабавалі рабіць з падачы беларускіх уладаў
19.09.2024
Цытаты Лукашэнкі і безыменныя пікеты. Як дзяржаўныя выданні асвятляюць прэзідэнцкую кампанію цяпер і як гэта рабілася раней
12.11.2024
