Завяршаецца рэгістрацыя на журналісцкі фэст БАЖЫНКІ’2018 (3–4 жніўня, маёнтак Агінскіх). Спяшайцеся!

Палацава-паркавы комплекс Агінскіх — помнік архітэктуры і садова-паркавага мастацтва пачатку XIX стагоддзя ў вёсцы Залессе Смаргонскага раёна, маёнтак, у якім гаспадарыў дзяржаўны дзеяч Рэчы Паспалітай, дыпламат і кампазітар Міхал Клеафас Агінскі.

БАЖынкі — традыцыйны карпаратыўны фэст БАЖ, які ўключае ў сябе вялікую культурную праграму, прафесійныя дыскусіі, інтэлектуальныя і спартовыя гульні, а таксама выдатны тымбілдынг ля вогнішча.

Сёлета вас чакае:
— захапляльная экскурсія па палацава-паркавым комплексе князёў Агінскіх;
— насычаная культурная праграма;
— паб-квіз;
— прафесійны воркшоп;
— спартовыя конкурсы;
— магчымасць паказаць свае творчыя таленты;
— вечаровае вогнішча, фаершоў і выступ фольк-гурта “Кола”;
— таксама госці свята паўдзельнічаюць у гульні — змаганні супраць навалы зомбі, а тыя, хто пераможа, атрымаюць ганаровае званне выратавальніка чалавецтва 🙂

Забудзь пра дэдлайны, рэйтынгі і колькасць знакаў. Толькі Агінскі, свята і рэлакс!

Умовы: Фэст будзе праходзіць два дні. Даезд у Залессе будзе арганізаваны раніцай 3 жніўня (пятніца), вяртанне — увечары 4 жніўня (субота). Фэст праводзіцца для сябраў ГА «Беларуская асацыяцыя журналістаў».

Для ўдзельнікаў будзе арганізаваны начлег, але жадаючы змогуць узяць з сабой намёты — для іх будзе адведзена адмысловае месца.

Што такое БАЖынкі:

«Бажынкі-2014»: Медыямарафон, angry JAB і катамараны

«БАЖынкі-2015»: Капай глыбей!

Пад Гродна прайшлі “БАЖынкі-2016” (ШМАТ ФОТА)

Паэтычны квэст, музыка і танцы — БАЖынкі-2017 прайшлі ў Вязынцы