Былога палітвязня і журналіста Сяргея Гардзіевіча арыштавалі на 15 сутак
29 студзеня 2024
Стала вядома, за што затрымалі журналіста з Драгічына 24 студзеня і які прысуд быў яму вынесены. Справу Сяргея Гардзіевіча разглядала ў судзе Драгічынскага раёна 26 студзеня суддзя Юлія Кукса.
Як паведамляе сайт 1pr.by, Сяргея Гардзіевіча затрымалі супрацоўнікі Драгічынскага РАУС і склалі адміністрацыйны пратакол за рэпост у сацыяльных сетках публікацыі з сайта «Ганцавіцкі час» 11 лістапада 2023 года. Якая канкрэтна публікацыя мелася на ўвазе — невядома, але ў пратаколе пазначана, што зроблена гэта з інтэрнет-рэсурса, які прызнаны ў Беларусі «экстрэмісцкім».
Між тым, пра сваё рашэнне заблакаваць сайт «Ганцавіцкі час» Міністэрства інфармацыі РБ папярэдзіла ўладальніка інтэрнэт-рэсурса толькі 15 лістапада 2023 года. Больш таго, у судзе Сяргей Гардзіевіч адзначыў, што летась у лістападзе выдаліў свой акаўнт у сацыяльнай сетцы «ВКонтакте». Такім чынам журналіст спрабаваў давесці, што ў яго дзеяннях няма складу адміністрацыйнага правапарушэння.
Суддзя Юлія Кукса таксама не ўзяла пад увагу, што ў Сяргея Гардзіевіча істотна пагоршылася здароўе: ён траціў прытомнасць і вымушаны быў неаднаразова звяртацца да лекараў. У выніку журналіст быў пакараны арыштам на 15 сутак.
Чытайце яшчэ:
Любоў Лунёва: Недапушчальна, калі дасведчаныя журналісты вымушаныя заціскаць у сабе прафесіяналізм і выконваць працу капірайтэра
У Брэсце чыноўнікі азадачыліся, чаму людзі менш чытаюць дзяржаўныя газеты. Выйсце шукаюць у працы з блогерамі
Штучны інтэлект пакуль не заменіць журналістаў, затое можа ім дапамагчы. Даем лайфхакі
@bajmedia
Віцебскі відэаблогер Віталь Усціновіч паведаміў, што ідзе ў суд і знік. Верагодна, яго пакаралі «суткамі»
15.02.2024
Даследаванне: каля 30% беларускіх і расійскіх журналістаў пасля эміграцыі сышлі з прафесіі
22.11.2023
Акаўнт Koko.by у Х перастаў існаваць
29.09.2023
У Беларусі супраць былога палітвязня Судаленкі распачалі крымінальную справу
02.11.2023
