Газета Intex-press выйшла толькі ў электронным выглядзе

Жорсткі прэсінг з боку ўладаў Intex-press адчула пасля публікацыі інтэрв’ю з экс-кандыдатам у прэзідэнты Беларусі Святланай Ціханоўскі. Спачатку ад продажу газеты адмовіліся практычна ўсе буйныя гандлёвыя сеткі Баранавічаў, затым у адносінах да галоўнага рэдактара Уладзіміра Янукевіча і Выдавецкага дома «Інтэкс-прэс» з‑за гэтага інтэрв’ю былі складзеныя два адміністрацыйныя пратаколы і была распачатая праверка па магчымым крымінальнай пераследу. Затым было прызнанне інтэрв’ю экстрэмісцкім матэрыялам, суды  з вялізнымі штрафамі, адмова Белпошты распаўсюджваць газету па падпісцы, адмова Белсаюздруку ад продажу газеты, папярэджанне выдавецкаму дому з Міністэрства інфармацыі і, як вянок, адмова ў друку Intex-press.

Цяпер газета будзе выдавацца ў электронным варыянце, яе выпускі можна будзе спампаваць на сайце intex-press.by, іх таксама можна раздрукаваць самастойна. Калі будзе знойдзена новая друкарня, выданне папяровай версіі газеты адновіцца.

Рэдакцыя заклікае чытаць газету ў інтэрнэце: на сайце intex-press.by і ў сацыяльных сетках, а таксама купляць онлайн PDF газеты па спасылцы https://shop.intex-press.by/.

Прадпрымальнікаў рэдакцыя заклікае рэкламавацца на сайце intex-press.by і ў сацыяльных сетках, адных з самых наведвальных у рэгіёне.

«Сёння толькі нашы сумесныя намаганні дазволяць захаваць незалежную крыніцу інфармацыі ў Баранавіцкім рэгіёне», — гаворыцца ў звароце галоўнага рэдактара Уладзіміра Янукевіча.