The Minsker — журнал з прыгожымі вокладкамі, які (не) выходзіць у Беларусі

«Святы, канікулы і погляд у будучыню з надзеей» — так падпісала вокладку да святочнага нумару The Minsker Наталля Грабёнкіна. На ёй — выява дзяцей за усмешкамі на фоне шэрага гарадскога пейзажу.

У Інстаграме мастачкі рэгулярна з’яўляюцца вокладкі неіснуючага журналу. Першыя з іх датаваныя 2019‑м годам.

Як распавяла Наталля выданню City­Dog, на ідэю вокладак The Minsker яе натхніла cov­er-традыцыя амерыканскага часопіса The New York­er, які піша пра актуальныя культуру і падзеі ў Нью-Йорку з 1925 года.

— Вокладкі часопіса заўсёды востра актуальныя, — кажа Наталля, — яны дакладна адлюстроўваюць атмасферу горада, падзеі, яго вайб. У Менску не хапае, на мой погляд, сучаснага графічнага асэнсавання горада і гараджан. Такі часопіс выдаць я не магу, а магу намаляваць да яго толькі вокладкі.

Другая частка канцэпцыі стварэння пустога часопіса з вокладкай — гэта маё асабістае стаўленне да Мінска і яго прасторы. Я яго адчуваю некалькі «пустым», гэта значыць ненадакучлівым, не вызначаючым твой стан, у нейкай меры сціплым. Гэта значыць ты можаш напаўняць яго сам, па сваім жаданні, магчымасцям і здольнасцям.

Больш вокладак да журнала The Minsker можна паглядзець на старонцы Інстаграм ілюстратаркі.

Чытайце яшчэ:

Улады пазбавілі БАЖ даменнага імя і пошты. БАЖ звяртаецца ў ICANN

Прыпыніла выхад дзіцячая «Паласатая газета»

Зачыніўся часопіс «Дзеяслоў», які выходзіў больш за 20 гадоў