На журналіста-фрылансера Яўгена Скрабца склалі новы пратакол і перадалі справу ў суд
24 студзеня 2019
Брэсцкага журналіста-фрылансера, сябра ГА “БАЖ” Яўгена Скрабца раніцай 24 студзеня выклікаў позвай участковы інспектар Маскоўскага РАУС Брэста Леанід Кулічык.
Міліцыянт склаў на журналіста адміністрацыйны пратакол паводле артыкула 22.9 КаАП, за тое, што ён 11 снежня 2018 года “без акрэдытацыі Міністэрства замежных спраў Рэспублікі Беларусь, злоўжываючы правам і парушаючы абавязкі журналіста… вырабіў прадукцыю сродку масавай інфармацыі ў выглядзе інфармацыйнага тэкставага паведамлення на сайце “Радыё Рацыя”.
Разгляд адміністрацыйнай справы на падставе гэтага пратакола адбудзецца ў судзе Маскоўскага раёна Брэста 4 лютага.
Як нагадаў Яўген Скрабец, для яго гэта будзе ўжо чацвёрты працэс з нагоды “працы на замежны СМІ без акрэдытацыі”. Тры папярэднія судовыя рашэнні, паводле якіх брэсцкага журналіста-фрылансера пакаралі штрафамі, ён пакуль беспаспяхова спрабуе абскрадзіць у розных судовых інстанцыях.
@bajmedia
«Мы яшчэ не закальцавалі эпоху. Пачакайце». Фотапраект Сяргея і Дзмітрыя Брушко паказалі ў Музеі Вольнай Беларусі
28.03.2024
Светлана Тихановская выразила поддержку Марине Золотовой: «Ты победишь и в этом марафоне!»
12.10.2023
Відэааператару Андрэю Толчыну прысудзілі два з паловай гады калоніі
21.03.2024
Сына пісьменніка і журналіста Сяргея Антонава асудзілі на 1,5 гады калоніі
22.04.2024
