Памёр старшыня БХК Алег Гулак
16 снежня 2022
Гэтую інфармацыю пацьвердзілі Свабодзе ягоныя калегі. Старшыні Беларускага Хэльсынскага камітэту было 55 гадоў. Прычыны сьмерці пакуль не пацьверджаныя.
Алег Гулак нарадзіўся 1 верасьня 1967 году ў пасёлку Жылічы на Магілёўшчыне ў беларуска-ўкраінскай сям’і сельскіх настаўнікаў. Скончыў Жыліцкую сярэднюю школу, Беларускі дзяржаўны ўнівэрсытэт па спэцыяльнасьці «правазнаўства».
З 1990 па 1996 год ён працаваў юрысконсультам шэрагу арганізацыяў (сярод іншых – завод «Камэртон» у Пінску). З 1996 году – у Беларускім Хэльсынскім камітэце: браў удзел у стварэньні пінскай суполкі, з 1997 году юрыст, затым выканаўчы дырэктар, з 2007 году намесьнік старшыні, з 2008 году старшыня.
Як грамадзкі абаронца Гулак ўдзельнічаў у дзясятках судовых справаў, грамадзкіх дзеяньняў па абароне людзей, якія сталі ахвярамі парушэньня правоў чалавека ў Беларусі.
Незадоўга да сьмерці ў гутарцы са Свабодай Алег Гулак падвёў вынікі 2022 году ў сфэры правоў чалавека. «Мы не заўсёды можам ацаніць маштабы рэпрэсіяў: часта людзі баяцца, што галоснасьць што да іх перасьледу можа ім пашкодзіць», — казаў ён.
БАЖ выказвае глыбокія спачуванні родным і блізкім нашага агульнага калегі. У гэта немагчыма паверыць…
@bajmedia
Відэааператара Андрэя Толчына пачнуць судзіць 5 сакавіка. Яго вінавацяць адразу па трох крымінальных артыкулах
22.02.2024
ChatGPT научился воровать данные пользователей: как это работает
30.09.2024
Прадстаўнікі БАЖ бяруць удзел у Беларускіх днях у Брусэлі
12.12.2024
У зняволенай журналісткі Ларысы Шчыраковай з’явілася «хросная»
22.01.2024
