Прысуд гомельскаму журналісту-фрылансеру Яўгену Меркісу абвесцяць 30 мая
26 мая 2023
У Гомельскім абласным судзе 25 мая працягваўся разгляд крымінальнай справы журналіста-фрылансера і краязнаўцы Яўгена Меркіса. Яго абвінавачваюць у стварэнні экстрэмісцкага фармавання альбо ўдзеле ў ім (ч. 3 арт. 361-1 КК), а таксама ў садзейнічанні экстрэмісцкай дзейнасці (ч. 1 і 2 арт. 361-4 КК), са спасылкай на «Вясну» піша «Наша Ніва».
Справу ў закрытым рэжыме разглядае суддзя Аляксей Хлышчанкоў.
Яўгена Меркіса затрымалі 13 верасня 2022 года ў Гомелі. Па месцы жыхарства быў праведзены ператрус, у ходзе якога былі канфіскаваныя носьбіты інфармацыі. Да суда быў змешчаны ў СІЗА № 3 Гомеля.
Меркіс асвятляў акцыі пратэсту пасля прэзідэнцкіх выбараў 2020 года, вёў стрымы з мітынгаў так званых «дармаедаў». Яго неаднаразова затрымлівала міліцыя, праз суды штрафавалі і адпраўлялі на суткі. Агулам за сваю журналісцкую дзейнасць Меркісу прысудзілі 50 сутак арышту і больш за 200 базавых велічынь штрафаў.
Пасля прызнання шэрагу незалежных СМІ экстрэмісцкімі фармаваннямі Яўген займаўся краязнаўчай і гістарычнай дзейнасцю.
Судовы працэс праходзіць то ў закрытым, то ў адкрытым рэжыме з 11 мая.
Учора ў судзе адбыліся спрэчкі бакоў (пракурора і адваката). Які тэрмін запытаў пракурор — невядома.
30 мая Яўген Меркіс выступіць з апошнім словам, пасля чаго будзе абвешчаны прысуд. Пасяджэнне адкрытае, пачатак у 14:00.
Чытайце яшчэ:
«Государство защищает не человека, а себя». Об исторической памяти и законодательной рамке
«Чыноўнікі губляюцца, адчуваюць сябе пад ударам». Інтэрв’ю з кіраўніком БРЦ Станіславам Івашкевічам
Журналісты не злачынцы! У цэнтры Мальмё прайшла акцыя ў падтрымку беларускіх калег
@bajmedia
Мінінфарм вынес папярэджанне рэдакцыі тэлепраграмы «8 канал»
02.08.2024
За спасылкі на «Витебский курьер news» будуць судзіць рэдактара выдання Аляксандра Корнышава
15.05.2024
13 красавіка — дзень народзінаў у палітзняволенай журналісткі Ларысы Шчыраковай
13.04.2024
Вынеслі завочны прысуд праваабаронцу Леаніду Судаленку
17.06.2024
