Суд у Варшаве пастанавіў не выдаваць Сцяпана Пуцілу ў Беларусь

Сцяпан Пуціла ў судзе / Б*лсат

Пуціла — стваральнік папулярнага Тэлеграм-канала, які першым быў у Беларусі абвешчаны «экстрэмісцкім». У Беларусі яго абвінавачваюць і ў «арганізацыі масавых беспарадкаў», і ў «распальванні варажнечы» (спіс абвінавачванняў вялікі). Таксама блогер уключаны КДБ у спіс «асоб, датычных да тэрарыстычнай дзейнасці». У Польшчы ён мае статус палітуцекача і міжнародную абарону.

«Суды кіруюцца правамі чалавека, а не падвойнымі стандартамі, як гэта адбываецца ў Беларусі», — сказаў суддзя. Ён даволі жорстка ахарактарызаваў сітуацыю ў нашай краіне і Аляксандра Лукашэнку.