Уладальніку сайтаў Kyky.org і The Village Аляксандру Васілевічу, што прыйшоў да КДБ з хадайніцтвам за Бабарыку, далі 14 сутак
30 ліпеня 2020
Сёння ў судзе Фрунзенскага раёна па Skype судзілі Аляксандра Васілевіча, уладальніка Vondel і Hepta, якога 28 ліпеня, у аўторак, каля 18:00 затрымалі ўнутры будынка КДБ, калі ён прыйшоў падаваць хадайніцтва за Віктара Бабарыку разам з галоўным рэдактарам The Village Беларусь Яўгеніяй Сугак. Суд прызнаў Аляксандра вінаватым па ч. 1 арт 23.34 — парушэнне парадку арганізацыі або правядзення масавых мерапрыемстваў і прысудзіў яму 14 сутак адміністрацыйнага арышту, піша The Village.
У абвінавачванні гаворыцца, што Аляксандр Васілевіч удзельнічаў у масавым несанкцыянаваным мерапрыемстве каля будынка КДБ з 17:10 да 17:30 і крычаў: «Свабоду Бабарыку!»
Яўгенія Сугак выступала на судзе ў якасці сведкі. Яна распавяла, што яны з Аляксандрам у масавых мерапрыемствах не ўдзельнічалі, а прыйшлі ў той вечар каля 17:50 да будынка КДБ з канкрэтнай мэтай — падаць хадайніцтва.
Па дарозе да будынка яны размаўлялі аб справах, і Аляксандр нічога не крычаў.
На ўваходзе ў КДБ яны распавялі пра мэту свайго прыходу, былі запрошаныя ўвайсці, пасля чаго іх правялі ў пакой, а адтуль — у аўтазак і адвезлі ў РУУС.
@bajmedia
Барысаўскага фатографа Аляксандра Зянкова прызналі палітзняволеным
23.01.2024
Ініцыятыву дапамогі палітвязням прызналі «экстрэмісцкім фарміраваннем» — у тым ліку сайт politzek.me і афіляваныя з ім сацсеткі
03.04.2024
У Рызе з’явілася «пустое крэсла» Кацярыны Андрэевай і прагучалі яе творы па-латышску
18.11.2024
Аб’явілі першых лаўрэатаў прэміі для беларускіх журналістаў у выгнанні
28.06.2024
