Журналіста Аляксандра Буракова дапыталі ў СК па крымінальнай справе

Паводле слоў Аляксандра Буракова, у Следчы камітэт яго выклікалі ў якасці сведкі. Да следчага ён пайшоў разам з адвакатам. Паколькі ў Буракова ўзялі падпіску аб неразгалошванні, ён не мае права распавядаць пра абставіны справы.

Журналіст расказаў толькі адзін цікавы момант з свайго візіту ў Следчы камітэт: у гэты ж дзень у магілёўскае УСК прыязджаў дэпутат Палаты прадстаўнікоў Ігар Марзалюк, які дзве гадзіны расказваў следчым пра вынікі VI Усебеларускага народнага сходу.

Таксама ў гутарцы з карэспандэнтам службы маніторынгу ГА “БАЖ” Буракоў адзначыў, што ён не лічыць сябе ў нечым вінаватым. Журналіст кажа, што не парушаў беларускага заканадаўства і не збіраецца выязджаць за межы Беларусі.

Нагадаем, што 18 лютага ў кватэры, дзе пражывае Буракоў, супрацоўнікі міліцыі правялі вобшук. Супрацоўнікі ГУБАЗіК прад’явілі ордэр на вобшук паводле арт. 342 Крымінальнага кодэкса, падпісаны намеснікам Генеральнага пракурора РБ. Яны перавярнулі літаральна ўсю кватэру. У журналіста забралі ноўтбук, тэлефон і носьбіты інфармацыі.

Крыху раней, 16 лютага, вобшук адбыўся ў кватэры бацькоў Аляксандра Буракова. У іх таксама забралі камп’ютарную тэхніку і носьбіты інфармацыі.

Верагодна, што допыт Буракова адбываўся ў межах гэтай крымінальнай справы.

Намесніка старшыні БАЖ Барыса Гарэцкага выклікаюць на допыт у Следчы камітэт

У Гродне прайшлі «агляды» кватэр журналістаў Яна Романа і Алеся Дзянісава

После допроса СК вернул БАЖу изъятый сейф с уставными документами и печатью