• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Экстрэмісцкім» аб’яўлены асобны артыкул на сайце БАЖ пра звольненых супрацоўнікаў дзяржТБ

    Рэспубліканскі спіс «экстрэмісцкіх матэрыялаў» папоўніўся артыкулам, апублікаваным сёлета ў сакавіку на сайце Беларускай асацыяцыі журналістаў. У ім гаворка пра тое, як кіраўніцтва дзяржаўных медыя распраўляюцца з «нелаяльнымі» супрацоўнікамі. 

    Як вынікае з абноўленага запісу на сайце Міністэрства інфармацыі, прызнаная «экстрэмісцкай» інфармацыйная прадукцыя з назвай “Ад эліты да ізгояў: з БТ звольнілі чарговага лаўрэата конкурсу “Тэлевяршыня”».

    Удакладняецца, што адпаведнае рашэнне прыняў суд Цэнтральнага раёну Мінска 19 чэрвеня. 

    У матэрыяле БАЖ, надрукаваным 15 сакавіка, распавядалася, што супрацоўнікі спецслужбаў заявіліся ў студыю Белтэлерадыёкампаніі на Макаёнка, 9 і вывелі адтуль у кайданках уганараванага рэжысёра Андрэя Пінчука. Пасля «прафілактычнай гутаркі» той выйшаў ужо ў статусе беспрацоўнага. Найбольш верагоднай прычынай сталі выказванні супрацоўніка БТ, якія не ўкладаліся ў ідэалагічнае рэчышча афіцыйнай палітыкі.

    Андрэй Пінчук — адзін з самых дасведчаных тэлевізійных адмыслоўцаў сваёй галіны, пра што сведчыць і паслужны спіс з адзначэннем яго заслуг. Сярод іншага ён уладальнік прафесійнай прэміі «Тэлевяршыня-2012» у намінацыі «Найлепшы рэжысёр спартыўных трансляцый».

    Таксама згадвалася гісторыя затрымання экс-менеджаркі канала «Беларусь 2» Вольгі Гладкай — на пачатку траўня яе асудзілі на 3 гады так званай «хатняй хіміі». У офісе яна вяла афіцыйнае справаводства, адсочвала выкананне дамоваў. Жанчына звольнілася з Белтэлерадыёкампаніі ў верасні 2020 года, што супала з масавымі пратэстамі супраць фальсіфікацыі вынікаў прэзідэнцкіх выбараў і беспрычыннага гвалту сілавікоў. У выніку затрыманай інкрымінавалі «народны» артыкул 342 Крымінальнага кодэкса — удзел у несанкцыянаваных мерапрыемствах.

    Акрамя таго, праваабаронцы атрымалі доступ да відэазапісу, на якім «праваахоўнікі» ў цывільным затрымліваюць былога карэспандэнта тэлеканала СТБ Дзмітрыя Баяровіча і яго жонку Валерыю.

    Дзмітрый Баяровіч значыўся ў эліце «Сталічнага тэлебачання», працаваў у  кадры. Ладзіў апытанні ўдзельнікаў так званага Усебеларускага народнага сходу, суправаджаў кантралёраў падчас праверак суб’ектаў гаспадарання, браў каментары праўладных экспертаў пра «міралюбівую палітыку Расіі» і «наступ на свабоду слова ва Украіне».

    Аднак нечакана Дзмітрый Баяровіч звольніўся, і да яго ўзніклі пытанні з боку органаў «правапарадку».

    Шэраг экс-супрацоўнікаў дзяржаўных тэлеканалаў ужо асуджаныя да працяглых тэрмінаў зняволення. 

    Так, журналістка Ксенія Луцкіна (дзве статуэткі «Тэлевяршыні») пакараная 8 гадамі калоніі за «змову ці іншыя дзеянні, учыненыя з мэтай захопу дзяржаўнай улады». Колішні вядоўца крымінальнай хронікі на БТ Дзмітрый Лукша атрымаў 4 гады за «дыскрэдытацыю дзяржавы». Экс-кіраўніка «прэзідэнцкага пула» Дзмітрыя Семчанку («Тэлевяршыня» ў адзін год з Андрэем Пінчуком) асудзілі на 3 гады калоніі за «распальванне варожасці». 

    Чытайце яшчэ:

    «Мы цалкам салідарныя з нашымі адважнымі калегамі!» МФЖ падхапіў эстафету падтрымкі палітзняволеных журналістаў

    Раскамнагляд аштрафаваў Telegram за адмову выдаліць пэўныя медыяканалы. Сярод іх — ТГ «Радыё Свабода»

    «Айфоны калег ускрылі спецыяльнай прыблудай на раз-два». Аповед журналістаў, чыю рэдакцыю знішчылі два месяцы таму

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці