Два фільмы «Белсату» атрымалі ўзнагароды на кінафестывалі Narewka Dok
28 кастрычніка 2025
Дакументальны фільм «Наша памяць», створаны тэлеканалам «Белсат» і Цэнтрам беларускай культуры ў Беластоку, а таксама фільм «Беларускі едуць на Падляшша» рэжысёра Арцёма Лобача, атрымалі спецыяльныя прызы журы на першым кінафестывалі імя Тамары Саланевіч у Нараўцы на Падляшшы.
Рэжысёр Юрый Каліна на сцэне падчас кінафестывалю «Narewka Dok». Фота: Белсат
Дакументальны фільм «Наша памяць» атрымаў узнагароду за «добрасумленнае майстэрства і гарманічны, кранальны аповед пра балючае мінулае, якое адгукаецца да сённяшняга дня».
«Наша памяць» – стужка рэжысёра Юрыя Каліны. Гэтак жа называецца ініцыятыва ў Беластоку, якая пачынала дзейнасць з дакументавання месцаў памяці з трагічным лёсам – беларускіх вёсак, «пацыфікаваных» так званай 3‑й Віленскай брыгадай Нацыянальнага вайсковага задзіночання пад камандаваннем капітана Рамуальда Райса (псеўданім Буры).
«Беларускі едуць на Падляшша» рэжысёра Арцёма Лобача быў адзначаны за «спелае майстэрства і спосаб аповеду, які інтрыгуе, пра сутыкненне герояў з іх уяўленнямі». Стужка расказвае пра беларусак, якія жывуць у эміграцыі і пастанаўляюць выправіцца ў падарожжа на Падляшша, каб пазнаёміцца з культурай тамтэйшых беларусаў.
Кінафестываль «Narewka Dok» упершыню прайшоў 24–26 кастрычніка сёлета ў Нараўцы на Падляшшы.
У конкурсную праграму трапілі тры стужкі «Белсату»: «Наша памяць» Юрыя Каліны, «Беларускі едуць на Падляшша» рэжысёра Арцёма Лобача і «Інга» рэжысёра Кшыштафа Капчыньскага.
Януш Гаўрылюк: Дакументалістыка — гэта не тое, на чым трэба эканоміць
@bajmedia
Сем журналістаў атрымалі прэмію World Press Freedom Heroes ад Міжнароднага інстытута прэсы
27.10.2025
Дакументальны фільм прапагандыста Азаронка пакажуць на кінафестывалі «Лістапад»
27.10.2025
У The New York Times з’явіліся ілюстрацыі мінскага мастака
11.03.2025
Google и TikTok перенесли кэширующие серверы ближе к Беларуси
27.06.2025
