Галоўны рэдактар iXBT.games атрымаў 10 сутак адміністрацыйнага арышту
19 сакавіка 2024
Відэа з «прызнаннем» галоўнага рэдактара сайта iXBT.games і гульнявога стрымера Віталя Казунова апублікаваў 18 сакавіка праўладны тэлеграм-канал, блізкі да сілавых структур.
Віталь Казуноў. Фота: з асабістай старонкі ў Facebook
На відэа мужчына распавядае, што ў 2020 годзе ў сацыяльнай сетцы Facebook ён апублікаваў «фота з пратэстаў» і «забароненую бел-чырвона-белую сімволіку». Акрамя таго, Віталь Казуноў гаворыць, што ў 2017 размесціў выяву цемнаскурай дзяўчыны ў нацысцкай форме, якая «прызыўна глядзіць у камеру».
19 сакавіка суд прыгаварыў яго да 10 сутак адміністрацыйнага арышту. Аднак невядома, па якіх артыкулах яго абвінавацілі.
Віталь Казуноў — гульнявы стрымер і галоўны рэдактар сайта з навінамі са свету мабільных і камп’ютарных гульняў, інтэрнэт-індустрыі і камп’ютарных камплектуючых.
@bajmedia
У Латвіі забаранілі доступ да сайтаў АНТ і «СБ. Беларусь сегодня». Мінінфарм абурыўся
19.03.2024
Супраць блогера Андрэя Павука распачалі справу паводле 13 крымінальных артыкулаў
19.03.2024
Распачаўся суд над Ігарам Карнеем — яго судзяць за ўдзел у экстрэмісцкім фарміраванні
19.03.2024
«Экстрэмісцкі спіс» Мінінфарма: «Новости Беларусь» у сацсетцы «ВКонтакте»
25.10.2024
