• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Гомель: Трэці за гэты год штраф Ларысе Шчыраковай

    Суд Рэчыцкага раёна (суддзя Святлана Пырх) прызнала гомельскую фрыланс-журналістку, сябру ГА “БАЖ” Ларысу Шчыракову вінаватай у “незаконным вырабе і распаўсюдзе прадукцыі сродкаў масавай інфармацыі” і на падставе часткі 2 артыкула 22.9 КаАП  пастанавіла аштрафаваць яе на 25 базавых велічыняў (4,5 мільёна рублёў).

    Паводле пастановы суда, 6 лютага ў Рэчыцы на рынку “Славянскі” Шчыракова, “не з’яўляючыся журналістам сродку масавай інфармацыі, не маючы на тое права, правяла інтэрв’юіраванне грамадзян, падрыхтавала відэасюжэт пад назвай “Адміністрацыя рынку ў Рэчыцы рабуе гандляроў”, які ў той жа дзень размясціла на сайце тэлеканала “Белсат”, тым самым ажыццявіла незаконны выраб і распаўсюд прадукцыі сродкаў масавай інфармацыі”.

    Такое ж “парушэнне”, паводле судовай пастановы, Ларыса Шчыракова ўчыніла і 12 лютага, падрыхтаваўшы відэасюжэт “Нялюдскія ўмовы на Рэчыцкім рынку” – і таксама нібыта размясціла на сайце тэлеканала “Белсат”.

    Справу разглядалі яшчэ ў канцы сакавіка і без удзелу журналісткі – яна была за межамі Беларусі і пакідала суду адпаведную заяву.

    “Выглядае, што суддзі жывуць у нейкім віртуальным свеце, думаючы, што журналіст пры дапамозе чароўнай палачкі  размяшчае ўсё  і ўсюды, што толькі  і дзе захоча – на “Белсаце”, CNN, у Wash­ing­ton Post.  Як я магу дзе што-небудзь размясціць, калі я нават не маю доступу да таго ж сайту “Белсата”? Я як грамадзянка і фрылансер маю права збіраць і распаўсюджваць інфармацыю – па Канстытуцыі. А мне суд прыпісвае функцыі юрыдычнай асобы, у дадзеным выпадку тэлеканала “Белсат”, які сапраўды вырабляе прадукцыю СМІ і распаўсюджвае яе”, – каментуе штраф службе маніторынгу ГА “ БАЖ” Ларыса Шчыракова.

    “Дапамагаюць зачышчаць медыйнае поля перад прэзыдэнцкімі выбарамі, – лічыць яна. – Эканоміка краіны “прасела”,  сацыяльны кантракт не выконваецца, таму і  б’юць рублём, прымушаюць маўчаць”.

    Гэта сёлета ўжо трэцяе пакаранне Ларысе Шчыраковай. У студзені яна здымала пікет адзіночкі-інваліда ў Светлагорску, пасля чаго яе абвінавацілі ва ўдзеле ў несанкцыянаваным масавым мерапрыемстве і пакаралі штрафам. 12 сакавіка суддзя Цэнтральнага суда Гомеля Віктар Казачок аштрафаваў Шчыракову на 20 базавых велічыняў – за  выраб  без акрэдытацыі Міністэрства замежных спраў  “прадукцыі СМІ” для тэлеканалу “Белсат”.

    Агулам сума штрафаў журналістцы склала 8 мільёнаў рублёў.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці