• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Гомельцы згадалі Уладзіслава Ахроменку

    У Гомелі згадалі свайго земляка, даследчыка сталінскіх рэпрэсій Уладзіслава Ахроменку. У Гомелі згадалі свайго земляка, даследчыка сталінскіх рэпрэсій Уладзіслава Ахроменку.

    Чытай больш на: https://www.racyja.com/hramadstva/gomeltsy-zgadali-uladzislava-akhrome/

    На адмысловых занятках “Мова нанова” выступілі гомельцы, якія падзяліліся гісторыямі пра сваё знаёмства з пісьменнікам.

    Літаратар Югася Каляда распавяла пра тое, як Уладзіслаў Ахроменка правёў для яе экскурсію па родным горадзе.

    — Мы сустрэліся ў Гомелі, быў пачатак года, зіма, вельмі цёмна. І мы абышлі, усе ногі абтапталі па горадзе, бо мы некалькі разоў наматалі колаў да Савецкай і ўздоўж. За адну гэтую сустрэчу ён мне столькі распавёў пра Гомель, што мне здаецца, што ўсе мае веды пра Гомель складаюцца з гэтых расповедаў.

    Грамадскі дзеяч Андрэй Стрыжак заўважае, што з Уладзіславам Ахроменкам ён кантактаваў некалькі разоў у разгар украінскай Рэвалюцыі Годнасці.

    — Уладзіслаў як чалавек, які, як вы бачыце, па ўсіх пытаннях меў даволі дакладную грамадзянскую пазіцыю, не мог застацца ў баку ад гэтых падзеяў. Ён актыўна ўдзельнічаў у Майдане, быў актывістам грамадскай абароны Майдана. Атрымаў пасля таго, як Майдан скончыўся, нават узнагароду за гэта.

    Пісьменнік і супрацоўнік Беларускага Радыё Рацыя Уладзіслаў Ахроменка сышоў з жыцця ў выніку раптоўнай хваробы 9 лістапада. Пахавалі літаратара ў Менску на Заходніх могілках.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці