• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Ірландскія нататкі: 28 з’езд Міжнароднай федэрацыі журналістаў у Дубліне

    Першае ўражанне ад Дубліна стракатае. Натоўпы мясцовых і студэнтаў у цэнтры горада ў будні дзень, процьма помнікаў, бадай, кожнаму больш-менш вядомаму ірландцу, старажытныя замкі ўперамешку з будынінамі, расфарбаванымі ў карпаратыўныя колеры… Велізарная металічная стэла “Святла” ў самым цэнтры Дубліна ў гонар немаведама чаго… Ірландыя не паспявала здзіўляць і натхняць…

    Адмысловыя разеткі, левабаковы рух, але зона ЕЎРА!

    Ірландская ў заняпадзе. Шыльды пераважна двухмоўныя. Аднак у вуснай гаворцы мясцовую мову пачуеш нячаста.

    …..

    Першы дзень з’езду МФЖ уразіў багаццем талентаў сябраў мясцовага Брытанска-ірландскага саюза журналістаў, якія зладзілі сапраўднае свята гендэрнай роўнасці і трэйдюніянізму з тэматычнымі спевамі пад акампанемент банджа.

    Другі дзень у кампаніі з калегамі з міжнароднай журналісцкай супольнасці пачаўся суха і па-дзелавому з канферэнцыі “За прыстойную працу! Супраць зацягвання пасаў!”

    Еўрапейскія калегі нагадалі пра наступствы крызісу 2008 года і панаракалі на адсутнасць гатовых рашэнняў і па сённяшні дзень. Скарачэнні штатаў СМІ, сутыкненні фрылансераў і штатнікаў, закрыццё буйных выданняў, гублянне прафесійных стандартаў журналісцкай дзейнасці праз далучэнне да цэху фрылансераў і ан-лайн журналістаў…

    Аргументы на карысць пільнай неабходнасці захавання прафесіі гучалі важка і безапелятыўна…

    Кіраўнік Пакістанскага федэральнага саюзу журналістаў Пэрваіз Шаўкат усчыніў крык з высокай трыбуны: “Забіваюць! Ратуйце!” Сумнавядомы Талібан “падпісаў” і яго, і ягоную сям’ю… Што рабіць? Прэзідэнт МФЖ Джым Бумэла цяжка ўздыхнуў: “МФЖ ніколі не хапала рэсурсаў на праявы салідарнасці…”

    Калега з Нямецкага саюзу журналістаў Вольфганг Грэбенхоў быў нешматслоўны, але сыпаў “забойнымі” лічбамі:

    1)   Звыш 5000 журналістаў сышлі з прафесіі ў Нямеччыне толькі за 2012 год;

    2)   Сярэдні ганарар журналіста-фрылансера ў Еўропе за гатовы артыкул складае ад 2 да 20 еўра… Італьянскі рэпарцёр павесіўся ад такога “вясёлага” жыцця;

    3)   Каля 4000 журналістаў у Нямеччыне шукаюць іншую працу.

    Менш журналістаў – менш разнастайнасці – менш расследаванняў – менш грамадскага кантролю, падкрэсліваў нямецкі калега. У рэшце рэшт, трэнд вядзе да дэфіцыту дэмакратыі… У Еўропе! У 21 стагоддзі!

     Якасць журналісцкіх матэрыялаў скочваецца ў нікуды, заўважалі адзін за адным еўрапейскія калегі па пяру. Да журналістаў адцяпер залічваюцца піяршчыкі, блогеры і іншыя прыбышы.

    У выніку прафесія журналіста робіцца непрывабнай для маладога пакалення… Што вядзе да становішча, калі прэса робіцца вольнай… ад журналістаў.

    “Фрылансеры мусяць карыстацца сваімі правамі,” – падкрэсліваў калега з Італьянскага саюза журналістаў Франка Сіддзі. – “Яны з’яўляюцца гарантамі грамадзянскіх правоў на вольную інфармацыю.”

    Прэзідэнт МФЖ Джым Бумэла чарговы раз падкрэсліў у сваім выступе важкасць праяваў салідарнасці МФЖ з арганізацыямі-сябрамі і панаракаў на адсутнасць рэсурсаў у МФЖ на падобную дзейнасць. Таксама падкрэслівалася важкасць міжрэгіянальнага супрацоўніцтва.

    Вечар другога дня завершыўся урачыстым прыёмам дэлегатаў Кангрэсу МФЖ паэтам і Прэзідэнтам Ірландыі сп. Майклам Д. Хігінсам, а таксама спевамі Дублінскага хору геяў і лесбіек у гістарычным будынку Каралеўскага шпіталя Кілмайнхэм (відэа глядзіце ТУТ).

    ПРАЦЯГ БУДЗЕ

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов

    07.09.2023
    Акцэнты

    Какую информацию о нас хранят телеграм‑боты, чем они опасны и как удалить их из аккаунта? Отвечают эксперты

    21.08.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці