Конкурс для незалежных даследчыц і даследчыкаў (да 20 жніўня)

Банк Ідэй абвяшчае конкурс на ўдзел у праграме падтрымкі незалежных даследаванняў, што датычацца палітыкі, эканомікі і грамадства Беларусі. Заяўку можна падаць індывідуальна ці ад даследчай (экспертнай) групы.

Што прапануюць?

• Фінансавая падтрымка даследавання — да 5000 € брута.
• Публікацыя вынікаў на платформе Банк Ідэй.

Заяўку можна падаць індывідуальна ці ад даследчай (экспертнай) групы.

Хто можа ўдзельнічаць?

•  Беларускія даследчыцы і даследчыкі, эксперткі і эксперты, аналітыкі з досведам не менш за 2 гады (у камандзе — для галоўнага даследчыка/цы).
• Тыя, хто мае партфоліа прыкладаў даследаванняў або аналітычных публікацый.
• Тыя, хто пражывае і мае банкаўскі рахунак у краінах ЕС ці Усходняга партнёрства (акрамя Беларусі).

На якія тэмы могуць быць даследаванні?

Палітычныя, сацыяльныя, эканамічныя даследаванні пра Беларусь — унутры краіны або ў дыяспары.

Праект можа рэалізоўвацца на беларускай, рускай ці англійскай мовах.

Тэрмін даследавання: да 3 месяцаў.

Вынікі павінны быць прадстаўлены не пазней за 15 снежня 2025 года.

Каб удзельнічаць:

1. Запампуйце і запоўніце шаблон заяўкі.

2. Прайдзіце рэгістрацыю, там жа прымацуйце сваю заяўку.

3. Скрыжуйце пальчыкі і чакайце вынікаў!

 Дэдлайн: 20 жніўня 2025 года (уключна).