Конкурс дакументальных фільмаў IDFA 2026 (дэдлайн — 9 ліпеня)

Фестываль дакументальнага кіно ў Амстэрдаме (IDFA) пройдзе 12–22 лістапада 2026 года. Штогод мерапрыемства збірае еўрапейскія і сусветныя прэм’еры, у межах фэсту праходзяць форумы, дэбаты і варкшопы.

На конкурс прымаюцца дакументальныя фільмы любога фармату і працягласці. IDFA разумее дакументальнае кіно ў шырокім сэнсе, як фільм, які мае справу з рэальнасцю, у тым ліку гібрыдныя фільмы і фільмы, якія абапіраюцца на рэальныя элементы ў якасці асноўнага кампанента.

Патрабаванні:

• фільм завершаны пасля 10 ліпеня 2025;
• фільм не паказваўся ў Нідэрландах (ні анлайн, ні афлайн).

Тэрміны:

• Ранні дэдлайн — 23 красавіка 2026 года (уступны ўзнос ад 20 да 45 еўра).
• Другі дэдлайн — 28 траўня 2026 года (уступны ўзнос ад 25 да 65 еўра).
• Апошні дэдлайн — 9 ліпеня 2026 года (уступны ўзнос ад 25 да 85 еўра).

ПАДРАБЯЗНАСЦІ І РЭГІСТРАЦЫЯ