Фінансавая падтрымка для медыяў ад фонду JX (дэдлайн — 19 красавіка)

Фонд JX запрашае незалежныя СМІ з Беларусі і Расіі, якія знаходзяцца ў выгнанні, падаць заяўку на фінансавую падтрымку.

Перыяд прадастаўлення грантаў: чэрвень – верасень 2026 года. Максімальная сума — 35 000 еўра.

Хто можа ўдзельнічаць?

• СМІ, якія дзейнічаюць у адпаведнасці з Мюнхенскай дэкларацыяй абавязкаў і правоў журналістаў;
• якія бесперапынна выпускалі кантэнт на працягу як мінімум аднаго года;
• з пацверджанай аўдыторыяй у краіне паходжання;
• гэта не павінны быць выключна актывісцкія ці праваабарончыя праекты або медыя, звязаныя з палітычнымі партыямі і дзеячамі.

Падаваць заяўкі могуць толькі некамерцыйныя арганізацыі. Заяўкі прыватных асоб і камерцыйных арганізацый не разглядаюцца.

Як падаць заяўку?

Рэгістравацца трэба толькі праз афіцыйную форму заяўкі. Заяўкі, дасланыя па электроннай пошце, разглядацца не будуць.

Заяўкі павінны быць пададзены на англійскай мове.

Дэдлайн — 19 красавіка 2026 года.

Пытанні можна дасылаць праз кантактную форму на сайце фонду.

Больш інфармацыі пра праграму — ПА СПАСЫЛЦЫ.