Дыскусія: Ці патрэбна беларускім фатографам супольнасць? (8 лістапада, Варшава)
5 лістапада 2025
Дыскусію ў Варшаве ладзіць ФШ1 — беларуская фатаграфічная платформа, якая аб’ядноўвае мастакоў і фатографаў з Беларусі.
Сёння беларуская фатаграфічная сцэна раскіданая паміж Мінскам, Вільняй, Варшавай і многімі іншымі гарадамі. Хтосьці працуе ўнутры краіны, хтосьці — у эміграцыі. Сувязі аслабелі, а агульных пляцовак для размовы стала менш.
Арганізатары прапануюць сустрэцца і адкрыта пагаварыць:
- ці патрэбная нам супольнасць сёння;
- што яна можа даваць фатографам;
- якія праблемы існуюць у поле беларускай фатаграфіі;
- ці магчымы кантакт і супольная праца паміж фатографамі, якія знаходзяцца ў розных краінах?.
Запрошаныя эксперты дыскусыйнай панэлі:
Сяргей Міхаленка — беларускі фатограф, выкладчык, заснавальнік BIPA — Беларуская Незалежная Асацыяцыя Фатографаў (Літва)
Ханна Самарская — сузаснавальніца і кіраўніца @projectwomenintech, дасціпна ведае, як будуецца і расце супольнасць
Аляксандр Веледзімовіч — беларускі фатограф, пісьменнік і выкладчык
Яўген Атцецкі — беларускі фатограф, выкладчык, сузаснавальнік беларускай фатаграфічный платформы ФШ1
Кацярына Ігнашэвіч — беларуская фатографка, менеджарка платформы ФШ1 і ўдзельніца калектыву +375 — на дыскусіі будзе выступаць у ролі фасілітатаркі.
Пасля панэлі — адкрытая размова з усімі ўдзельнікамі, дзе кожны зможа падзяліцца сваім меркаваннем, досведам, назіраннямі і пытаннямі. Мы арганізуем працу за столамі ў невялікіх групах, каб была магчымасць для ўсіх паразважаць над пастаўленнымі.
А пасля — кава-паўза і нетворкінг, каб пазнаёміцца, абмяняцца кантактамі, ці проста пагутарыць адзін з адным.
ЗАРЭГІСТРАВАЦЦА
Пасля сустрэчы агульныя высновы дыскусіі будуць выкладзеныя ў сацыяльных сетках ФШ1 — каб размова магла заставацца адкрытай і даступнай.
@bajmedia
