Грант імя Яна Пэры для маладых фотажурналістаў (дэдлайн — 1 верасня)

Студэнты, якія вывучаюць фотажурналістыку і фатографы ва ўзросце да 24 гадоў могуць узяць удзел у гэтым конкурсе.

Ian Par­ry Pho­to­jour­nal­ism Grant — гэта прэстыжны грант, прысвечаны памяці Яна Пэры. Гэта фотарэпарцёр, які загінуў у 24 гады, выконваючы заданне для The Sun­day Times падчас Румынскай рэвалюцыі 1989 года.

Грант дапамагае пачаць маладым фотадакументалістам рэалізаваць уласны праект, атрымаць падтрымку прафесіяналаў і пачаць кар’еру ў фотажурналістыцы.

Удзельнікі павінны прадставіць партфоліё і апісанне праекту, над якім яны будуць працаваць, калі выйграюць грант.

Журы аддасць перавагу праектам, у якіх фотажурналістыка і дакументальная фатаграфія будуць выкарыстоўвацца, каб узнімаць важныя сацыяльныя гуманітарныя праблемы.

Тэмы праектаў: сацыяльныя змены, гуманітарныя пытанні, узброеныя канфлікты, псіхалагічныя, культурныя, экалагічныя, медыцынскія ці палітычныя тэмы — усё, што звязана з чалавечым жыццём і праблемамі сучаснасці.

Што прапануюць

• 10 000 фунтаў стэрлінгаў на рэалізацыю свайго праекта;
• бясплатная арэнда фотатэхнікі ад Canon на 1 год;
• публікацыя работ медыяпартнёрам The Guardian і магчымасць паказаць работы на Ham­burg Port­fo­lio Review;
• асабістае ментарства і рэцэнзіі работ ад топ-экспертаў галіны;
• выстава праекта і інш.

Заяўкі прымаюцца да 1 верасня 2025 года.

ПАДРАБЯЗНАСЦІ І РЭГІСТРАЦЫЯ