Конкурс фота для калектыўнай фотакнігі «Пейзажы Ўсходняй Еўропы» (дэдлайн — 15 лютага)

Незалежнае выдавецтва Soft Pub­lish­ing (Італія) прымае заяўкі для ўдзелу ў калектыўных фотакнігах.

Свіслач. Фота: Navu­men­ka / photoclub.by

Выдавецтва Soft Pub­lish­ing спецыялізуецца на сучаснай фатаграфіі і мастацтве і выпускае фотакнігі. Зараз адкрыты прыём прац ад фатографаў з усяго свету для стварэння калектыўнай фотакнігі пра ландшафты Усходняй Еўропы.

Прымаюць фотаздымкі, зробленыя ў наступных краінах: Албанія, Арменія, Азербайджан, Беларусь, Балгарыя, Боснія і Герцагавіна, Харватыя, Кіпр, Чэхія, Эстонія, Грузія, Грэцыя, Венгрыя, Косава, Латвія, Літва, Малдова, Чарнагорыя, Польшча, Румынія, Сербія, Славакія, Славенія, Украіна.

Нельга дасылаць фотакалажы, апрацаваныя фатаграфіі і фатаграфіі, створаныя з дапамогай штучнага інтэлекту.

Падача заявак бясплатная. У друкаванай кнізе будуць прадстаўлены працы як мінімум 50 абраных фатографаў.

Умовы:

• да 15 малюнкаў з бакавым дазволам 2000 пікселяў;
• выявы трэба перайменаваць, напрыклад: імя_прозвішча_1; імя_прозвішча_2; і гэтак далей;
• кароткая біяграфія аўтара, да 20 слоў (калі і дзе вы нарадзіліся?);
• кароткі канцэптуальны праект аб’ёмам да 80 слоў;
• усе тэксты павінны быць напісаны на англійскай мове.

Матэрыялы дасылайце на пошту softmagazineu@gmail.com

Тэма ліста: «Адкрыты конкурс Усходняя Еўропа Ландшафт_ваша_імя_прозвішча». Абавязкова трэба пазначыць імя і прозвішча аўтара здымкаў, каб ў выпадку адбору выкарыстаць дадзеныя ў фотакнізе.

Дэдлайн падачы заявак — 15 лютага 2026 года.

Таксама выдавецтва Soft Pub­lish­ing прымае працы для стварэння фотакніг пра ландшафты іншых краін Еўропы:

• Калектыўная фотакніга «Пейзажы Паўночнай Еўропы», дэдлайн —1 сакавіка 2026 года.
• Калектыўная фотакніга «Еўрапейскія пейзажы», дэдлайн — 31 сакавіка 2026 года.

Больш інфармацыі пра конкурс ТУТ