Конкурс на напісанне аналітычных артыкулаў (дэдлайн — 8 чэрвеня)
26 мая 2025
Беларуская асацыяцыя журналістаў
Праект Scholars for Belarus і аб’яднанне RAZAM e.V. аб’яўляюць конкурс на напісанне аналітычных артыкулаў. Удзельнічаць могуць беларускія аналітыкі і журналісты.
Vlada Karpovich / pexels.com
Магчымыя тэмы артыкулаў:
- беларуская дыяспара ў беларускіх медыях;
- беларуская дыяспара ў заходніх медыях;
- супрацоўніцтва беларускай дыяспары з іншымі супольнасцямі ў выгнанні: досвед, выклікі, патэнцыял;
- небеларускія актывісты ў беларускай дыяспары: матывацыі і формы ўдзелу;
- беларускія выдавецтвы ў выгнанні: стратэгіі выжывання, выклікі і магчымасці;
- сведчанні пра Беларусь: беларускае аўтабіяграфічнае пісьмо 2020–2025;
- беларускія жаночыя супольнасці ў выгнанні: феміністычная оптыка, грамадзянскі актывізм, выклікі і перспектывы;
- эканамічнае супрацоўніцтва паміж Германіяй і Беларуссю пасля 2020 года;
- даўніверсітэцкія веды пра Беларусь у краінах ЕС.
Таксама можна прапанаваць аналітычныя матэрыялы на іншыя тэмы, аднак прыярытэт пры адборы concept notes будзе аддавацца тэмам, пазначаным вышэй. Асноўны фокус чаканых тэкстаў – дыяспара, яе дзейнасць, рэпутацыя і імідж, рэпрэзентацыя ў медыя, агенты дыяспары, сувязі і партнёрствы, гісторыя і досвед.
Умовы ўдзелу:
- артыкулы павінны быць арыгінальнымі і раней не публікаванымі;
- аб’ём тэксту ад 10 000 знакаў;
- мовы тэкстаў — беларуская, руская, англійская ці нямецкая.
Абяруць только 5 артыкулаў. Далейшая публікацыя і выкарыстанне артыкулаў магчыма толькі пры ўказанні крыніцы фінансавання.
Дэдлайн: 8 чэрвеня 2025 года.
ПАДАЦЬ ЗАЯЎКУ
Дадатковыя пытанні дасылайце на пошту pm@scholarsforbelarus.org
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
