Моладзевы відэафестываль PLURAL+ (дэдлайн — 15 чэрвеня)

Маладыя аўтары (да 25 гадоў) могуць прадставіць на фестываль фільмы пра міграцыю, разнастайнасць, сацыяльную інтэграцыю і прадухіленне ксенафобіі.

Моладзевы відэафестываль PLURAL + — гэта сумесная ініцыятыва Альянсу цывілізацый Арганізацыі Аб’яднаных Нацый (UNAOC) і Міжнароднай арганізацыі па міграцыі (МАМ). Запрашаюць моладзь з усяго свету дасылаць арыгінальныя і крэатыўныя відэа, прысвечаныя тэмам міграцыі, разнастайнасці і сацыяльнай інтэграцыі.

На конкурс прымаюцца відэа даўжынёй не больш за пяць хвілін, праца над якімі была скончана пасля 1 студзеня 2022 года. Відэа павінны суправаджацца субтытрамі на англійскай мове.

Конкурс праходзіць у трох узроставых катэгорыях. Таксама ўручаюцца спецыяльныя ўзнагароды ў катэгорыях «Прадухіленне ксенафобіі і дыскрымінацыі» і «Дзеянні, якія павышаюць інклюзіўнасць у галіне кліматычнай міграцыі».

Пераможцы атрымаюць аплачанае падарожжа на фестываль PLURAL+ 2025 і ўдзел у цырымоніі ўзнагароджання, якія адбудзецца ў канцы 2025 года.

Заяўкі прымаюцца да 15 чэрвеня 2025 года.

ПАДРАБЯЗНАСЦІ І РЭГІСТРАЦЫЯ