Прэмія за адвагу ў фотажурналістыцы (дэдлайн — 14 сакавіка)

Міжнародны фонд жанчын, якія працуюць у СМІ (IWMF), шукае кандыдатак на атрыманне прэміі Ані Нідрынгхаўс за адвагу ў фотажурналістыцы. Фотажурналісткі, якія працуюць у небяспечных сітуацыях, могуць быць намінаваны на гэтую ўзнагароду.

Выява створана БАЖ з выкарыстаннем Chat­G­PT

Прэмія заснавана ў гонар фатографа AP Ані Нідрынгхаўс, забітай у Афганістане ў красавіку 2014 года. Узнагарода ўручаецца фотажурналісткам, якія дэманструюць у сваёй працы сілу характару, мужнасць і настойлівасць і праяўляюць уласцівыя Нідрынгхаўс адвагу і самаахвярнасць.

Прымаюцца заяўкі на англійскай мове.

Для ўдзелу ў конкурсе трэба адправіць 12 фатаграфій, якія найлепшым чынам прадстаўляюць вобласць і стыль працы кандыдаткі.

Пераможца конкурсу атрымае грашовы прыз у памеры 20 000 долараў ЗША, і яе работы будуць дэманстравацца на выставах.

Кандыдаткі на прэмію могуць намінаваць самі сябе.

ПАДАЦЬ ЗАЯЎКУ