Прымаюцца заяўкі на летнік MediaBarCamp 2016 (Літва)
15 сакавіка 2016
26-29 мая 2016 года ў Літве пройдзе міжнародны летнік "MediaBarCamp", у якім возмуць удзел актывісты ў галіне медыя. Арганізатар мерапрыемства - Шведскі міжнародны ліберальны цэнтр (SILC). Мэта летніку - заахвочванне медыяактывізму і праектаў у галіне "новых медыя", інтэрнэт-камунікацыі і развіцця сацыяльных сетак. Мерапрыемства скіравана на набыццё новых кантактаў і ўмацаванне міжнароднага моладзевага супрацоўніцтва.
Тэма сёлетняга «MediaBarCamp» — мастацтва і трансфармацыя. Удзельнікі летніка абмяркуюць, якім чынам мастацтва можа ўплываць на палітычную сферу і калі палітычныя пытанні абумоўлены мастацтвам. У прыватнасці, дыскусія будзе прысвечана крэатыўным сродкам адстойвання сваёй пазіцыі, уплыў на прыняцце рашэнняў акторамі грамадзянскай супольнасці і г.д.
Запрашаюцца: блогеры, перформеры, медыяактывісты, палітычныя актывісты, распрацоўшчыкі анлайн-праектаў, прадстаўнікі сацыяльна-культурніцкіх праектаў. Удзельнікі мусяць зрабіць прэзентацыю (са слайдамі на англійскай мове).
Апошні дзень анлайн-рэгістрацыі — 18 красавіка 2016 года.
Удзел у мерапрыемстве бясплатны. Арганізатары кампенсуюць выдаткі, звязаныя з праездам, візавымі зборамі, пражываннем і харчаваннем.
Падрабязнасці тут.
@bajmedia
Блогерка Алена Янушкоўская пра продаж уладамі яе хаты: Маёмасць ацанілі нашмат ніжэй за рынкавы кошт
16.05.2024
Пракуратура: Вольгу Радзівонаву асудзілі за публікацыі ў нямецкай Die Tageszeitung
19.12.2024
Журналісцкі форум у Сейме Літвы: пра абарону ад пераследу і давер аўдыторыі
18.12.2024
У Беларусі арыштавалі нерухомасць журналісткі Таццяны Каравянковай
18.10.2024
