Анлайн-сустрэча «Распазнаем сацыяльную інжынерыю і фішынг» (4 лютага)

Цяпліца сацыяльных тэхналогій праводзіць інтэрактыўную сустрэчу на тэму «Распазнаем сацыяльную інжынерыю і фішынг». Запрашаюць грамадзянскіх актывістаў, журналістаў, валанцёраў і ўсіх, хто занепакоены пытаннямі лічбавай і фізічнай бяспекі ў Беларусі, Расіі і іншых краінах, якія аказаліся ў падобных абставінах.

Калі: 4 лютага 2026 года ў 18:00 (па Мінску).

Дзе: анлайн.

«Калі зламыснікі выкарыстоўваюць чалавечы фактар, мы называем гэта сацыяльнай інжынерыяй, — тлумачаць арганізатары. — Задача сацыяльнага інжынера — сабраць як мага больш звестак пра ахвяру і зачапіць яе на кручок цікаўнасці, страху, спачування або іншай «прыманкі». Сацыяльны інжынер умела камбінуе веданне індывідуальных асаблівасцяў ахвяры і прымяненне сучасных тэхналогій. І тады дзіўная просьба «друга» аб тэрміновай дапамозе або фальшывы ліст «донара» набываюць пераканаўчасць.

Прыватным выпадкам сацыяльнай інжынерыі з’яўляецца фішынг, дзе сутнасць махлярскай схемы — падштурхнуць ахвяру зайсці на фэйкавы сайт і ўвесці там лагін і пароль ад сапраўднага акаўнта».

На сустрэчы ўдзельнікі абмяркуюць:

• што новага з’явілася ў свеце сацыяльнай інжынерыі за апошнія пару гадоў,
• як прымяняць розныя тэхнічныя спосабы, каб не даць сацыяльным інжынерам сапсаваць вам жыццё,
• як своечасова распазнаць псіхалагічныя «кручкі», якія выкарыстоўваюць зламыснікі.

Да распрацоўкі тэмы арганізатары прыцягнулі эксперта-псіхолага.

Працоўная мова — руская. Працягласць — каля 2,5 гадзін (з перапынкам).

РЭГІСТРАЦЫЯ

Пытанні ці прапановы дасылайце на пошту events@te-st.org