Вэбінар «Не ўсё так адназначна». Як выявіць маніпуляцыю ў медыях з першай фразы» (рэгістрацыя — да 30 верасня)

Фраза «Не ўсё так адназначна» гучыць як запрашэнне да дыскусіі, але на самой справе — гэта хітры прыём маніпулятараў. Яго выкарыстоўваюць, каб збіць нас з панталыку, падарваць давер да медыяў і прымусіць аўдыторыю рэагаваць так, як выгадна прапагандзе.

Што гэта значыць для журналістаў і грамадзянскіх актывістаў?

У эпоху інфармацыйных войнаў галоўная задача медыйных рэсурсаў — не страціць аўдыторыю і захаваць яе давер. Кожная неправераная навіна або прыхаваная маніпуляцыя падрывае аўтарытэт.

Хочаш навучыцца супрацьстаяць падтасоўцы фактаў?

Запрашаем на вэбінар «Не ўсё так адназначна». Як выявіць маніпуляцыю ў медыях з першай фразы», які адбудзецца 1 кастрычніка 2025 года.

Будзем вучыцца:  

• Расшыфроўваць прыёмы прапаганды: бачыць, як ацэначныя меркаванні, ілжывыя дылемы і падмена паняццяў скажаюць рэальнасць.
• Распазнаваць інструменты маніпуляцыі: разумець, як прапаганда стварае «чорна-белае мысленне» і ілжывыя дылемы, а таксама што такое падмена паняццяў і «дэгуманізацыя».
• Супрацьстаяць прапагандзе: карыстацца практычнымі інструментамі для праверкі фактаў і ствараць кантэнт, які заслугоўвае даверу.

Каму будзе карысна:

Журналістам, рэдактарам, даследчыкам, актывістам і ўсім, хто працуе з інфармацыяй і хоча адрозніваць рэальныя факты ад маніпуляцый.

Спікерка: Надзея Белахвосцік, галоўная рэдактарка Media IQ.

Час: 17:00 па Варшаве, 18:00 па Вільнюсе

Фармат: анлайн (Zoom)

Працягласць: 2,5 гадзіны

Удзел бясплатны, але трэба зарэгістравацца, бо колькасць месцаў абмежаваная
Рэгістрацыя працягнецца да 30 верасня 2025 года, 17:00 па Вільнюсе

РЭГІСТРАЦЫЯ

Асобы, якія пройдуць конкурсны адбор, атрымаюць на свой e‑mail спасылку на трансляцыю за дзень і за гадзіну да пачатку вэбінару.

Калі ў вас ёсць пытанні наконт вэбінару, пішыце нам: uchimonline5@gmail.com.

Вэбінар «Не ўсё так адназначна». Як выявіць маніпуляцыю ў медыях з першай фразы» ладзяць нямецкая некамерцыйная арганізацыя dekoder і Беларуская асацыяцыя журналістаў.