Вэбінар «Мова варожасці і свабода слова — дзе праходзіць мяжа?» (24 лютага)

Свабода слова — адно з ключавых правоў чалавека. Але ці азначае яна, што можна проста казаць усё і пра ўсіх? Дзе заканчваецца дапушчальная крытыка і пачынаецца мова варожасці? І як абараніць уразлівыя групы, не абмяжоўваючы пры гэтым права на выказванне?

Гэта пытанні, з якімі мы сутыкаемся ўсё часцей — у сацыяльных сетках, медыя і публічных дыскусіях. На вэбінары ад «Тэрыторыі правоў» прапануюць разабрацца, як працуюць гэтыя межы і чаму яны важныя для кожнага і кожнай з нас.

Падчас сустрэчы удзельнікі абмяркуюць:

• што такое свабода выказвання і як яе абараняе міжнароднае права;
• што лічыцца мовай варожасці і якія існуюць прававыя крытэрыі;
• дзе праходзіць мяжа паміж меркаваннем, крытыкай і дыскрымінацыяй;
• ролю дзяржаў, онлайн-платформаў і грамадзянскай супольнасці;
• рэальныя прыклады і кейсы з еўрапейскай практыкі.

Спікерка: Йоанна Шыманьска — кіраўніца праграм і стратэгіі па Еўропе ў адной з найбуйнейшый міжнароднай праваабарончай арганізацыі ARTICLE 19, якая займаецца абаронай свабоды выказвання і права на інфармацыю ва ўсім свеце. Мае шматгадовы досвед працы ў сферы свабоды СМІ, грамадзянскіх правоў і лічбавых свабод, раней супрацоўнічала з Free­dom House і Парламенцкай асамблеяй Савета Еўропы.

Калі: 24 лютага 2026 года, 20.00 па Мінску.

Дзе: анлайн.

РЭГІСТРАЦЫЯ