«Яшчэ дзесяць крокаў да прафесійнай журналістыкі» Курс павышэння журналісцскай кваліфікацыі

Курс пройдзе ўвосень гэтага года, пачынаючы з верасня, у некалькі сесій і будзе складацца з дзесяці двухдзённых (выняткова — трохдзённых) трэнінгаў ў Мінску. 

Трэнінгі будуць праходзіць у рытме прыкладна два на месяц з перапынкамі ў два тыдні — па пятніцах-суботах.

Тэмы складовых частак:

1. Прававыя асновы журналістыкі — Алег Агееў;

2. Пошук інфармацыі. Следчы метад — Яўген Валошын;

3. Фотарэпартаж — Аляксандр Зянкоў;

4. Слова на экране. Пісьмовы, закадравы і сінхронны тэкст — Міхась Янчук;

5. Радыёжурналістыка. Аўдыёфайлы для мультымедыяў — Таццяна Мельнічук;

6. Інтэрв’ю. Найлепшыя практыкі — Аляксандр Коктыш;

7. Мультымедыйная журналістыка ў інтэрнэце — Таццяна Бублікава;

8. Сацыяльная журналістыка. Этычныя стандарты, жанры і аўтарскія метады — Марына Загорская;

9. Журналістыка дадзеных (Data jour­nal­ism) — Аліна Радачынская;

10. Асновы прафесійных відэаздымкаў — Аляксандр Зянкоў.

Трэнінгі будуць праводзіць БЕЛАРУСКІЯ прафесіяналы, эксперты і трэнеры ГА “БАЖ”. Курс максімальна адаптаваны для працы ў беларускіх рэаліях. Колькасць месцаў абмежаваная.

Умова ўдзелу — сумоўе пасля дасылкі кароткага CV.

Сумоўе пройдзе ў МІНСКУ ў офісе ГА “БАЖ” у днях ад 16 да 20 верасня. Добра абгрунтаваная матывацыя ўдзелу ў курсе будзе мець перавагу над прафесійным досведам. Тым не менш, ён вітаецца. Першы элемент курсу — «Прававыя асновы журналістыкі» — ўжо 23–24-га верасня. Наступныя — прыкладна кожныя два тыдні па пятніцах-суботах.

Дасылайце вашы CV па 15 верасня на адрас janczuk@baj.by, пазначыўшы кантактны тэлефон — для сувязі з вамі і прызначэння дакладнага часу праходжання сумоўя — ці карэктавання ягонага часу, у выпадку калі ў Вас узнікнуць непераадольныя абставіны.

З павагай, Ваш БАЖ