Навіны

Рыгора Кастусёва перавялі з ацёкамі і праблемамі сэрца з СІЗА КДБ у турэмны шпіталь на Валадарцы.

Улады закрылі карэспандэнцкі пункт Еўрарадыё ў Беларусі. Пастанова Савета міністраў пра гэта апублікаваная 5 ліпеня на Нацыянальным прававым партале.

У DW Akademie глыбока занепакоеныя тым, што трэнеру Андрэю Аляксандраву, які даўно супрацоўнічае з Акадэміяй, у Беларусі прад'яўлена абвінавачанне ў дзяржаўнай здрадзе і цяпер яму пагражае да 15 гадоў пазбаўлення волі.

Яго затрымалі 24 чэрвеня пасля здымкаў каля СІЗА №3 перад працэсам над Міколам Статкевічам, Сяргеем Ціханоўскім, Дзмітрыем Паповым, Арцёмам Сакавым, Ігарам Лосікам і Уладзімірам Цыгановічам. Журналіста даставілі ў РАУС, дзе пратрымалі 7 гадзін ды склалі пратакол па 23.5 КаАП РБ ("незаконны выраб і распаўсюд прадукцыі СМІ").

Член парламента Ірландыі Сін Хогі (Séan Haughey) узяў апеку над беларускім палітвязнем, журналістам Дзянісам Івашыным.

У Мінскім гарадскім судзе 1 ліпеня працягнулі разгляд справы Мікалая Дзядка. Яго вінавацяць па трох артыкулах Крымінальнага кодэкса.  Дзядок сваю віну не прызнае. На мінулым пасяджэнні выслухалі сведак і зачытвалі матэрыялы справы. Цяпер суд перайшоў да агляду рэчавых доказаў. А пасля Мікалай Дзядок даў паказанні. Мікола Дзядок — аўтар «Новага Часу», блогер, актывістам анархісцкага руху. Міколу Дзядка затрымалі позна ўвечары 11 лістапада 2020 года супрацоўнікі ГУБАЗіК і МУС у загарадным доме ў пасёлку Сасновы. Прад'яўленыя абвінавачванні: арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадзкі парадак, альбо актыўны ўдзел у іх; арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь; арт. 295 Крымінальнага кодэкса — Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў