Навіны

Прафесара Таццяну Арлову звольнілі з БДУ. На факультэце журналістыкі яна адпрацавала 46 гадоў, і была гатовая выкладаць далей. Але ў рэктараце вырашылі па-іншаму.

Юрыст недзяржаўнай газеты “Борисовские новости” Алег Мацкевіч напрыканцы ліпеня накіраваў зварот у Мінскі абласны выканаўчы камітэт з просьбай даць інфармацыю аб наяўнасці палажэння аб парадку акрэдытацыі журналістаў сродкаў масавай інфармацыі пры Мінскім абласным выканаўчым камітэце, падначаленых яму службах і структурных падраздзяленнях, падначаленых яму выканаўчых і распарадчых органах базавага тэрытарыяльнага ўзроўню.

У Савецкім судзе Мінска пачаліся папярэднія слуханні па іску бізнесмена Аркадзя Ізраілевіча да рэдакцыі газеты “Новы Час”. Сам бізнесовец на пасяджэнне не прыйшоў, яго інтарэсы прадстаўляе адвакат Алена Калазаева. Справу разглядае суддзя Вераніка Абрамовіч. “Новы Час” у судзе прадстаўляе галоўны рэдактар выдання Аксана Колб і аўтар апальнага расследавання Дзяніс Івашын. Таксама інтарэсы Івашына абараняе юрыст Беларускай асацыяцыі журналістаў Алег Агееў. У выніку разгляду асноўнае пасяджэнне суда па справе было прызначана на 10 верасня. Таксама суд абавязаў з’явіцца на асноўнае пасяджэнне самога заяўніка Аркадзя Ізраілевіча.

На сайце Міністэрства аховы здароўя Беларусі зьявілася паведамленьне наконт публікацыяў у СМІ аб выкарыстаньні незарэгістраваных вакцынаў.