Навіны

Аператыўна-аналітычнаму цэнтру 21 красавіка споўнілася 10 гадоў. У сувязі з гэтай датай на тэлеканале АНТ выйшаў дакументальны фільм «Логін: ААЦ», а ў прагаме «Контуры» гутарка з кіраўніком ведамства Андрэеем Паўлючэнкам.

Глыбоцкі раённы суд прысудзіў 35 базавых велічынь штрафу незалежнаму журналісту Змітру Лупачу. Судовае слуханне праходзіла 20 красавіка — у  дзень, калі ў Мінску адбываўся з’езд ГА “БАЖ”, на які Зміцер павінен быў ехаць. Таму суд адбыўся без Змітра, працэс вёў суддзя Глыбоцкага райсуда Андрэй Тарасевіч. На ім прысутнічалі толькі жонка Змітра і яго калега, рэдактар газеты “Вольнае Глыбокае” Уладзімір Скрабатун.

19 красавіка Палата прадстаўнікоў Нацыянальнага сходу Беларусі прыняла ў першым чытанні законапраект, які прадугледжвае ўнясенне сур’ёзных зменаў у заканадаўства аб СМІ.

Удзень 20 красавіка ўдзельнікі кампаніі «Эўрапейская Беларусь» правялі пікет супраць блякаваньня сайту charter97.org каля ўваходу ў будынак Міністэрства інфармацыі Беларусі.

19 красавіка дэпутаты Палаты прадстаўнікоў прынялі ў першым чытанні законапраект з праўкамі ў Закон “Аб СМІ”. Не ўлічыўшы на гэтым этапе прапановы, якія даслалі ў парламент і Мінінфармацыі Беларуская асацыяцыя журналістаў і дэпутат Ганна Канапацкая. Іх, нібыта, разгледзяць падчас падрыхтоўкі законапраекта да другога чытання. Ці не парушаюць такім чынам дэпутаты рэгламент разгляду законапраектаў? Наколькі рэальна, што цяпер прапановы БАЖ і дэпутата будуць улічаныя? На гэтыя ды іншыя пытанні ў жывым эфіры "Еўрарадыё" адказвае дэпутат Палаты прадстаўнікоў Ганна Канапацкая

Міжнародная арганізацыя “Рэпарцёры без межаў” заклікала беларускія ўлады перагледзець драконаўскія папраўкі ў закон аб СМІ, якія выклікаюць глыбокую заклапочанасць, і ўзяць да ўвагі прапановы з боку медыйнай супольнасці.