Навучанне медыяграматнасці. Дапаможнік для трэнера «Не патані ў інфармацыйным дажджы»

Мэта гэтага матэрыялу — даць базавыя веды і навыкі ў сферы медыя, азнаёміць грамадзян з найбольш распаўсюджанымі відамі маніпуляцый і прапаганды, а таксама надзяліць іх базавымі інструментамі праверкі інфармацыі і крытычнага мыслення. Галоўнная задача гэтай дапамогі заключаецца не ў тым, каб сказаць якімі СМІ трэба карыстацца (што чытаць ці глядзець), а навучыць грамадзян не трапляць пад уплыў прапаганды, дапамагчы ім не стаць ахвярамі маніпуляцый, якія вядуць да панікі, нянавісці і розных страхаў.

Чакаецца, што пасля такога трэнінгу ўдзельнікі будуць больш свядомымі медыяспажыўцамі, будуць ведаць, як правяраць сумнеўную інфармацыю і фармаваць попыт на больш адказную і праўдзівую журналістыку.

Агульныя вынікі навучання

Грамадзяне, якія будуць удзельнічаць у гэтым трэнінгу, змогуць:

- Зразумець галоўныя прынцыпы работы медыя, прааналізаваць сваю медыяпрастору і навучыцца больш свядома падыходзіць да пытанняў медыяспажывання;
- Усвядоміць механізм уплыву медыя і перайсці да селектыўнасці ўспрымання інфармацыі;
- Навучыцца больш выразна вызначаць прапаганду, фэйкі і маніпуляцыі ў медыя, каб не падпасці пад іх уплыў, а таксама азнаёмяцца з практычнымі маркерамі і інструментамі, якія будуць дапамагаць ім у гэтым;
- Развіць навыкі крытычнага мыслення і аналізу інфармацыі, якую атрымліваюць з розных тыпаў медыя;
— Даведацца пра механізм і наступствы выкарыстання стэрэатыпаў і мовы нянавісці ў медыя, навучыцца распазнаваць такога роду маніпуляцыі.

Дапаможнік выдадзены пры ўдзеле Акадэміі ўкраінскай прэсы.

Старонка, дзе можна спампаваць мануалы на рускай, украінскай і англійскай мовах і ўсе дадаткі да іх, знаходзіцца ТУТ.