Прэзентацыя новай кнігі Свабоды «Галасы Беларусі − 2022» адбудзецца ў Вільні 23 сакавіка

Падчас прэзентацыі з прэм’ерай сваёй песні на верш Аляксандра Лукашука выступіць Лявон Вольскі.

Як пісала «Радыё Свабода», у новай кнізе «Галасы Беларусі − 2022» да галасоў супраціву далучыліся галасы вайны. 

«Тры гады новага беларускага адраджэння можна апісаць трыма словамі: паўстанне, турма, вайна. Гэтая трылогія гістарычнага руху, кажучы словамі Гегеля, з’яўляецца шляхам усведамлення свабоды. У формулы ёсць другая частка — свабоду трэба ўсвядоміць як неабходнасць», — падкрэсліваў Аляксандр Лукашук.

Людзям, якія паўсталі, якіх кінулі за краты, якія змагаюцца за Украіну, нічога ня трэба ўсведамляць. Яны і ёсць беларуская свабода, іх імёны — імёны свабоды, іх галасы — галасы гісторыі, нават калі яны змоўклі, як Міхася Жызьнеўскага, Вітольда Ашурка, ці заглушаныя, як Алеся Бяляцкага, Сяргея Ціханоўскага, Марыі Калесьнікавай.

Гэтыя сведчанні сабраныя ў трылогіі «Бібліятэкі Свабоды» «Галасы Беларусі», кожны том якой прысьвечаны аднаму году.

Жахлівы і адначасова адчайна шчаслівы — так называе гэты час укладальнік і рэдактар трылёгіі Сяргей Дубавец, які перачытаў, пераслухаў, перагледзеў тысячы сведчаньняў, ад першых звонкіх нотаў надзеі 2020-га да магутнага Нобэлеўскага акорду, якім завяршыўся 2022-гі. Спынены беларускі час зламаўся і зрушыўся — такая выснова Сяргея Дубаўца. Ізноў аднавілася і загучала гісторыя.

Чытаць «Галасы Беларусі − 2022» (PDF)

Чытайце яшчэ:

Палітзняволены Ігар Лосік здзейсніў спробу суіцыду ў калоніі

Сярэдзіч прапанаваў замірэнне. Ці прыме рэжым прапанову?

«Працягваю прафесійную дзейнасць, нягледзячы ні на што», — некаторыя вынікі нядаўняга апытання БАЖ