«Прызнаць вінаватай». Журналістку Дзіяну Серадзюк пакаралі штрафам на падставе новых паказанняў АМАПаўца

На сённяшнім паседжанні Дзіяна Серадзюк адмовілася сведчыць супраць сябе.

Першы сведка — супрацоўнік міліцыі Сяргей Астаф’еў — паведаміў, што несанкцыянаванае мерапрыемства 20 снежня ішло доўгі час і ўвечары каля парка Купалы ён убачыў Дзіяну і сфатаграваў яе на мабільны тэлефон. Здымак гэты прысутным на паседжанні не прадэманстравалі.

Па словах Астаф’ева, Дзіяну ён ведае “па працы”, на акцыі яна, нібыта не была пазначана як журналістка, а таксама выкрыквала лозунг “Жыве Беларусь”.

Вышэйпрыгаданае фота, як апынулася, было зроблена на скрыжаванні праспекта Незалежнасці і вуліцы Янкім Купалы, а ў парку Астаф’еў “не змог зняць Серадзюк, бо яна адвярнулася”.

Сведка Івашкоў мінулым разам упэўнена сцвярджаў, што бачыў Дзіяну ў прамежку часу 18–18:30. Але на сённяшнім паседжанні Івашкоў сказаў, што, даючы тыя паказанні, памыліўся і што тады не бачыў гэтую грамадзянку, а бачыў пры іншых абставінах.

Дзіяна Серадзюк звярнула ўвагу, што здымак з тэлефона Астаф’ева — той жа здымак, што раней быў у справе толькі каляровы. Але пры гэтым раней сцвярджалася, што здымак зроблены з камеры відэаназірання. Таксама звяртае ўвагу, што недапушчальна такім карэнным чынам змяняць паказанні, узнікае пытанне наконт прафпрыдатнасці Івашкова.

У 2017 годзе Дзіяну ўжо судзілі ў Першамайскім судзе і апраўдалі праз даказаную хлусню сведак з РУУС .Таму яна заявіла таксама пра недавер да міліцэйскіх сведак і хадайнічала аб спыненні працэсу.

Серадзюк заўважыла, што яшчэ адзін сведка Шайко ўвесь час у судзе не з’яўляецца, а яго паказанні ў справе дублююць словы Івашкова і першы раз і другі раз слова ў слова — нават памыляюцца супрацоўнікі міліцыі аднолькава.

Дзіяна Серадзюк папрасіла далучыць да справы сваю прамову пра міжнароднае і беларускае заканадаўства, якое гарантуе кожнаму грамадзяніну права на ўдзел у мірных сходах.

Аднак, нягледзячы на гэтую прамову, на недастатковую доказную базу, памылкі ў паказаннях сведкаў і іншыя недарэчнасці, суд вынес вердыкт: «Прызнаць вінаватай і пакараць 50 базавымі велічынямі штрафу (1 350 беларускіх рублёў)».

«Диана — известная в оппозиции личность». Журналистку судят за акцию, на которой она даже не была