• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Штрафы гродзенскім фрылансерам пакінулі ў сіле

    Рашэнне суда Ленінскага раёна Гродна, які аштрафаваў журналістаў Алеся Дзянісава і Алеся Кіркевіча за парушэнне арт. 22.9 ч.2 КаАП, засталося ў сіле.

    Фота Радыё Свабода

    22 верасня суддзя Гродзенскага абласнога суда Мікалай Рачынскі разглядаў касацыйную скаргу фрылансераў усяго некалькі хвілін.  

    «Сістэма працуе, сістэма наладжана. У мяне нават ніякай надзеі не было на тое, што рашэнне суда першай інстанцыі адменяць», – пракаментаваў вынік слуханняў Алесь Дзянісаў.

    Алесь Кіркевіч лічыць касацыю фармальнасцю як для міліцыі, так і для судоў: «Міліцыянты казалі нам пры складанні пратаколаў, што гэта ўсё спускае «старэйшы брат» з КДБ. А суды нічога не вырашаюць. І мы яшчэ раз у гэтым пераканаліся».

    «Суддзя Мікалай Рачынскі папросту пацвердзіў рашэнне папярэдняй інстанцыі. Такім чынам, словы кіраўніка дзяржавы пра тое, што ён разбярэцца ў сітуацыі са штрафамі журналістам-фрылансерам, проста засталіся гучнымі словамі», – заўважае гродзенскі праваабаронца Уладзімір Хільмановіч.

    Нагадаем: 19 жніўня суд Ленінскага раёна Гродна (суддзя Юрый Казакевіч) прызнаў журналістаў Алеся Кіркевіча і Алеся Дзянісава вінаватымі ў парушэнні арт. 22.9 КаАП і аштрафаваў кожнага на 25 базавых велічыняў (па 4,5 млн рублёў). 

    Нагодай для завядзення справы стаў відэасюжэт пра выставу літоўскіх лялек у Гродне, размешчаны на сайце тэлеканала “Белсат”.

    Журналістаў абвінавацілі ў “незаконным вырабе прадукцыі сродкаў масавай інфармацыі”, а менавіта – падрыхтоўцы інфармацыйнага матэрыялу для замежнага СМІ без акрэдытацыі.

    Судовы разгляд распачаўся яшчэ 23 ліпеня, але суддзя вырашыў накіраваць матэрыялы на дапрацоўку ў міліцыю. 14 жніўня працэс аднавіўся, хаця самі журналісты адсутнічалі. Суд заслухаў сведак – мастака Аляксандра Сільвановіча і яго жонку, дырэктарку выставачнай залы Ірыну Сільвановіч. Сведкі пацвердзілі, што яны давалі інтэрв’ю згаданым журналістам.

    Штрафы журналістам па арт. 22.9 КаАП

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці