• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Сёння — гадавіна забойства журналіста Паўла Шарамета

    20 ліпеня 2016 года ў Кіеве загінуў вядомы беларускі, расійскі і ўкраінскі журналіст Павел Шарамет. Прафесійная супольнасць страціла выбітнога, адважнага калегу. Сябры і родныя — блізкага чалавека.

    Аўтамабіль, у якім Павел ехаў на працу, выбухнуў на скрыжаванні цэнтральных вуліц Кіева. Выратаваць Паўла было немагчыма — атрыманыя траўмы былі не сумяшчальныя з жыццём.

    Паліцыя паведаміла, што пад аўтамабіль была закладзеная выбухоўка магутнасцю да 600 грамаў у тратылавым эквіваленце, якая кіравалася дыстанцыйна.

    Прэзідэнт Украіны Пётр Парашэнка патрабаваў ад сілавікоў справаздачы аб ходзе расследавання.

    У якасці асноўнай версіі матыву забойства паліцыя лічыць прафесійную дзейнасць журналіста. Следчыя высветлілі, што бомбу ўсталявалі мужчына і жанчына. Яны трапілі на відэа з камер назірання. За дапамогу ў пошуку паліцыя Кіева, а таксама былы мэр сталіцы аб’явілі ўзнагароджанне. Але следства і дагэтуль практычна не прасунулася — не названыя падазраваныя, няма ні абвінавачаных, ні галоўнай версіі матываў злачынства.

    Паўла Шарамета пахавалі 23 ліпеня мінулага года ў Мінску.

    «Павел быў чалавекам, які свята верыў, што праўда можа змяніць свет. Нам таксама як ніколі патрэбная праўда. Пра тых замоўцаў, аўтараў выканання гэтага нахабнага пакарання. Не толькі для Паўла, але і ўсёй журналістыкі. Калі мы любім Паўла, пошук гэтай праўды павінен быць справай гонару кожнага з нас», — гаварыла Жанна Літвіна, экс-старшыня ГА «Беларуская асацыяцыя журналістаў» падчас вечарыны памяці Паўла Шарамета ў Мінску.

    У гадавіну забойства Паўла Шарамета сваякі і калегі наведаюць магілу журналіста на Паўночных могілках пад Мінскам а 12‑й гадзіне.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці