Тэлерадыёкампанія “Гродна” адмаўляецца назваць аўтараў сюжэта пра Вадзіма Саранчукова
21 чэрвеня 2017
У Гродне ў судзе Ленінскага раёна горада 20 чэрвеня адбылося першае апытанне па грамадзянскай справе Вадзіма Саранчукова, старшыні гродзенскай рады партыі БНФ, супраць тэлерадыёкампаніі "Гродна”. Справа тычыцца відэасюжэта “Маршем в никуда”, які быў паказаны ў эфіры 17 красавіка.
Вадзім Саранчукоў
На дасудовым паседжанні, якое вяла па-беларуску суддзя Ксенія Стасюкевіч, прадстаўнік тэлерадыёкампаніі «Гродна” паведаміў, што фільм з’яўляецца калектыўнай працай, паводле закона аб аўтарскім праве. Таму прадстаўнік тэлерадыёкампаніі адмовіўся называць канкрэтнага аўтара фільма.
Аднак кіраўнік гродзенскага БНФ хоча ведаць, хто менавіта працаваў над гэтым фільмам і патрабуе абвярджэння непраўдзівай інфармацыі, якая шкодзіць яго дзелавой рэпутацыі як рамесніка.
Вадзім Саранчукоў па патрабаванні суда пагадзіўся прадаставіць ўсе дакументы, што падцвярджаюць гэты статус, а таксама дамовы паміж ім і крамамі, дзе рэалізуецца вырабленая прадукцыя.
Першае судовае паседжанне па справе аб абароне дзелавой рэпутацыі Вадзіма Саранчукова пройдзе 6‑га ліпеня ў судзе Ленінскага раёна Гродна.
@bajmedia
Былога відэааператара АНТ Антона Казельскага ўключылі ў «экстрэмісцкі спіс» МУС
03.09.2024
Кіраўніцтва «Белсату» адказала на абвінавачванні ва злоўжыванні
09.07.2024
Социсследование: 68% общества доверяет госСМИ, независимым медиа — 57%. Как понимать эти данные?
06.10.2023
Дзве беларускія раёнкі выдалі артыкулы пра чайлдфры. У іх розныя людзі выказваюць аднолькавыя думкі тымі ж самымі словамі
07.03.2024
