• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Брэсце журналістаў не пусцілі ў залу суда, дзе быў абвешчаны прысуд па рэзананснай “справе карагодаў”

    Суд Ленінскага раёна Брэста 15 сакавіка абвесціў чарговы прысуд па так званай “карагоднай справе”. Незалежных журналістаў на публічнае агалошваннне прысуду не пусцілі.

    Рэзанансная крымінальная справа тычыцца падзей 13 верасня 2020 года, калі на скрыжаванні ў цэнтры Брэста людзі на нейкі час перакрылі рух транспарту — спявалі песні і вадзілі жартаўлівы карагод. У той дзень упершыню ў Брэсце міліцыя ўжыла вадамёт, каб разагнаць пратэстоўцаў.

    Усяго колькасць абвінавачаных па “карагоднай справе” дасягае паўсотні чалавек: гэта адзін з самых масавых “палітычных” працэсаў у сучаснай Беларусі. Абвінавачаных судзяць групамі: прысуд для другой такой групы з васьмі чалавек быў абвешчаны 15 сакавіка.

    Паколькі справа мае гучны розгалас у грамадстве, яна прыцягвае ўвагу журналістаў, аднак ніхто з іх сёння на працэс не змог патрапіць. Каля судовай залы знаходзіўся міліцэйскі канвой, прадстаўнікі якога асабіста вырашалі, каго прапусціць у памяшканне.  

    Як паведаміў службе маніторынгу ГА “БАЖ” незалежны журналіст Алесь Ляўчук, у выніку ён і трое яго калег не змаглі прысутнічаць у залу пасяджэнняў на публічнае абвяшчэнне прысуду.      

    “Такое ў судах Брэста зараз здараецца кожны раз, як толькі каля судовай залы працуе канвой: журналістам у гэтым выпадку трапіць на працэс амаль немагчыма. Тлумачаць гэта і эпідэміялагічнай бяспекай, і тым, што ў памяшканні мала месцаў”, — кажа Алесь Ляўчук.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці