• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Вярхоўны суд разгледзіць апеляцыйную скаргу Рыгора Кастусёва 29 лістапада

    Пасяджэнне Вярхоўнага суда па разгляду апеляцыйнай скаргі Рыгора Кастусёва прызначанае на 29 лістапада 2022 года.

    Суд разгледзіць апеляцыю на рашэнне Мінскага абласнога суда, які прыгаварыў палітыка да 10 гадоў пазбаўлення волі ў калоніі ва ўмовах узмоцненага рэжыму па справе “аб змове з мэтай захопу дзяржаўнай улады”. Рыгор Кастусёў сваю віну не прызнаў.

    Палітыка азнаёмілі з паведамленнем з Вярхоўнага суда ў СІЗА на вуліцы Валадарскага ў Мінску, дзе ён зараз знаходзіцца ў чаканні разгляду апеляцыйнай скаргі.

    “Ці пападу я туды — не ведаю. Бо мая прысутнасць там не абавязкова”, — напісаў Кастусёў у апошнім лісце да жонкі Ларысы. Рыгор Андрэевіч збіраецца пагутарыць з адвакатам, каб абмеркаваць магчымасць усё ж патрапіць на пасяджэнне Вярхоўнага суда.

    Піша, што падаваў заяву на датэрміновую адпраўку ў калонію для адбыцця пакарання, але яе не задаволілі. Спадзяваўся, што накіруюць адбываць пакаранне ў Шклоў ці Магілёў, каб родным было зручней яго адведваць.

    “А так — кожны дзень адно і тое ж. Проста сяджу і чакаю. На жаль, спроба на датэрміновую адпраўку ў калонію не атрымалася”, — паведаміў Кастусёў.

    Зараз да Рыгора Андрэевіча даходзяць лісты толькі ад жонкі, паведамленні ад іншых людзей ён не атрымлівае ўжо працяглы час.

    “Толькі твае лісты даходзяць і ўсё, больш ні ад каго”, — піша палітык жонцы. Між тым, шмат сяброў, знаёмых і проста неабыякавых людзей рэгулярна дасылаюць лісты і паштоўкі на адрас Кастусёва ў СІЗА на Валадарскага ў Мінску.

    Рыгора Кастусёва затрымалі ў Шклове 12 красавіка 2021 года. Пазней стала вядома, што Рыгор Кастусёў, палітоляг Аляксандар Фядута і юрыст Юрась Зянковіч абвінавачаныя ў змове з мэтай захопу дзяржаўнай улады неканстытуцыйным шляхам (ч. 1 арт. 357 Крымінальнага кодэкса).

    Спачатку Кастусёў знаходзіўся пад арыштам у СІЗА КДБ, пазней яго перавялі ў СІЗА №1 на вуліцы Валадарскага ў Мінску. Падчас знаходжання за кратамі ў Рыгора Андрэевіча ўрачы дыягнаставалі анкалагічнае захворванне, аднак, нягледзячы на гэта, меру ўтрымання яму так і не змянілі.

    Праваабарончая супольнасць Беларусі прызнала Рыгора Кастусёва палітычным вязнем.

    9 чэрвеня 2022 года Генеральная пракуратура паведаміла, што справу “аб змове з мэтай захопу дзяржаўнай улады” накіравалі ў суд.

    Разгляд справы пачаўся 29 ліпеня 2022 года. Сваю віну Кастусёў не прызнаў.

    30 жніўня дзяржаўны абвінаваўца Міхаіл Кавалёў запатрабаваў для палітвязня 12 гадоў зняволення. 5 верасня суддзя Мінскага абласнога суда Уладзімір Арэшка прызнаў Рыгора Кастусёва вінаватым і прысудзіў яму 10 гадоў зняволення ў калоніі ва ўмовах узмоцненага рэжыму.

    На працягу многіх гадоў Рыгор Кастусёў з’яўляўся сябрам грамадскага аб’яднання  “Беларуская асацыяцыя журналістаў”.

    Чытаць яшчэ: 

    «Спаў на халоднай падлозе, ацяпленне не ўключалі». Анатоль Санаценка правёў 30 сутак у карцары

    У рэдакцыі бабруйскіх СМІ прыйшлі паведамленні аб мініраванні

    Былы журналіст з Баранавічаў пакараны на тры гады калоніі за каментар у сацыяльных сетках

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці