Фатограф «Нашай Нівы» Сяргей Гудзілін зладзіць пэрсанальную выставу
11 ліпеня 2016
Для арганізацыі выставы, дзе фатограф пакажа, як бачыў Беларусь за апошнія 7 год, трэба сабраць 5 тысяч дэнамінаваных рублёў.
Беларускі фатограф Сяргей Гудзілін пачаў на сайце talaka.by збор грошай на сваю першую пэрсанальную фатавыставу Kandensat. Выстава мае прайсьці ў жніўні ў прасторы «Цэх».
На выставе Гудзілін прадставіць свае працы за апошнія 7 год. На выставе будуць ня проста здымкі з навінаў газэты «Наша Ніва»: аўтар абяцае «праект пра Беларусь, пра нас усіх і наш час».
«Гэта адмыслова прыдуманая канцэпцыя беларускай рэчаіснасьці, — кажа Гудзілін Свабодзе. — Гэта ня проста інфарматыўная выстава дакумэнтальных здымкаў, а праца, упісаная ў мастацкую канцэпцыю. Дзевяць гісторыяў, два вялікіх мультымэдыяў, інсталяцыі».
На «Талацэ» можна як купіць звычайны квіток на выставу за 5 новых рублёў, так і замовіць дадатковыя бонусы за большыя грошы: ад камплекту паштовак з сэрыі Mi(e)nsk за 15 рублёў да байкі з прынтам ад фатографа ці фота музэйнай якасьці. Усю сэрыю Mi(e)nsk у музэйнай якасьці можна набыць за 1700 рублёў.
«Мы паставілі ў зборы мяжу ў 5 тысяч новых рублёў, гэта трэба для якаснага друку фатаздымкаў, для аздабленьня, працы дызайнэра, куратара, для арэнды памяшканьня, — дадае Гудзілін. — Гэта ня праца на камэрцыйны праект».
Здымкі фатографа можна паглядзець як на старонках газэты «Наша Ніва», так і на асабістым сайце фатографа.
@bajmedia
«Мужная праца беларускіх журналістаў». БАЖ узнагародзілі прэміяй Усходняга партнёрства
14.11.2023
Блогерка Алена Янушкоўская пра продаж уладамі яе хаты: Маёмасць ацанілі нашмат ніжэй за рынкавы кошт
16.05.2024
Міністр інфармацыі звінаваціў «раёнкі» Віцебшчыны ў непрафесіяналізме
04.12.2023
Пасля пераходу «Прэсбола» у рукі АБФФ супрацоўнікі скардзяцца, што не атрымліваюць заробак
19.10.2023
