Змены ў закон “Аб СМІ” дэпутаты абмяркуюць 8 траўня
3 мая 2018
Паміж першым і другім чытаннямі ў новую рэдакцыю закона “Аб СМІ” будуць унесеныя “істотныя змены”. Пра гэта, адказваючы на пытанне Еўрарадыё, заявіў міністр інфармацыі Аляксандр Карлюкевіч.
“Змены будуць пасля таго, як прайшлі першыя чытанні. Яны ўнесеныя з улікам шмат якіх грамадскіх прапаноў і многіх прапаноў дзяржаўных інстытуцый. У тым ліку, дэпутатаў парламента. У бліжэйшы час вы будзеце ведаць пра гэтыя змены, гаворка ідзе літаральна пра некалькі дзён ― 8 траўня будзе шырокае абмеркаванне, з больш шырокім удзелам грамадскасці. Я лічу, што праўкі, што мяркуецца ўнесці, істотныя. Прынамсі, для нашага ведамства”, ― сказаў міністр.
19 красавіка Палата прадстаўнікоў у першым чытанні прыняла новую рэдакцыю закона “Аб СМІ”, які ўзмацняе рэгуляванне медыя ў інтэрнэце. Сярод ухваленых новаўвядзенняў — абавязковая ідэнтыфікацыя асоб, якія змяшчаюць свае матэрыялы на сайтах ці каментуюць публікацыі. Пры гэтым не былі ўлічаныя заўвагі, падрыхтаваныя супрацоўнікамі Беларускай асацыяцыі журналістаў і дэпутатам Ганнай Канапацкай.
@bajmedia
У Малдове аштрафавалі тэлеканалы за рэтрансляцыю праграм «Беларусь 24»
31.10.2023
Рэдактару глыбоцкай раёнкі, які піша абразлівыя артыкулы пра апазіцыю і Еўропу, уручылі ўзнагароду
30.05.2024
Журналісты-палітэмігранты прадалі кватэру ў Беларусі. Цяпер суд у Гродне хоча адмяніць здзелку
14.06.2024
З’явіўся спіс самых папулярных беларускіх ютуб-каналаў. Пра некаторыя вы дакладна не чулі
21.01.2024
