Прызначаны новы прэс-сакратар МЗС Беларусі
12 чэрвеня 2018
Начальнікам упраўлення інфармацыі і лічбавай дыпламатыі (прэс-сакратаром) МЗС Беларусі 11 чэрвеня прызначаны Анатоль Глаз, які змяніў на гэтай пасадзе Дзмітрыя Мірончыка, што будзе прадстаўляць інтарэсы Беларусі ў Швецыі. Пра гэта паведамілі БЕЛТА ў прэс-службе беларускага замежнапалітычнага ведамства.
Анатоль Глаз на дыпламатычнай службе больш за 13 гадоў, працаваў у аддзеле Усходняй Еўропы галоўнага ўпраўлення Еўропы, з 2007 па 2009 год — другім і першым сакратаром пасольства Беларусі ў Італіі. У 2009–2014 гадах — у Адміністрацыі прэзідэнта Беларусі, адкуль з пасады намесніка начальніка ўпраўлення замежнай палітыкі быў накіраваны старшым дарадцам пасольства Беларусі ў Італіі, які курыруе пытанні двухбаковага палітычнага супрацоўніцтва, узаемадзеяння са СМІ, развіцця дагаворна-прававой базы і іншыя сферы.
Сёлета пасля вяртання з Рыма, Анатоль Глаз працягнуў працаваць у сістэме МЗС, дзе да гэтага часу займаў пасаду старшага дарадцы аддзелу міжнароднай бяспекі і кантролю над узбраеннямі галоўнага ўпраўлення шматбаковай дыпламатыі.
@bajmedia
Amnesty International заклікала вызваліць Алеся Бяляцкага на фоне паведамленняў аб пагаршэнні ягонага здароўя
12.07.2024
Журналіста Паўла Мажэйку ўнеслі ў так званы спіс экстрэмістаў
17.11.2023
Рэдактар глыбоцкай раёнкі працягвае «выкрываць» намеры апазіцыі. Выглядае на паклёп
11.11.2023
«Экстрэмісцкімі» прызналі інфармацыйныя рэсурсы оrsha.eu, «Народны рэпарцёр» у «Одноклассниках» і «Новы Час» у TikTok
20.06.2024
