Журналістка «Белсату» Вольга Чайчыц атрымала чарговую позву ў суд
3 верасня 2018
Яшчэ адно судовае паседжанне ў дачыненні да незалежнай журналісткі пройдзе 10 верасня ў Дзяржынску. Прычынай стаўся фотарэпартаж, які Вольга зрабіла ў жніўні ў Курапатах. Але ў пратаколе знайшоўся вельмі дзіўны момант. На думку міліцыянта, Вольга вырабіла фотарэпартаж і тым самым «перавысіла паўнамоцтвы журналіста і парушыла журналісцкія абавязкі».
«Вельмі дзіўная фармулёўка, нават не ведаю адкуль яны яе ўзялі», – здзіўляецца Вольга Чайчыц.
На думку юрыста Беларускай асацыяцыі журналістаў Алега Агеева, падобная фармулёўка – гэта проста міліцэйскае глупства.
«На жаль, гэта палітычна матываваны пераслед. Яно ніякага дачынення да права не мае. З гэтага можна толькі пасмяяцца і паглядзець, што скажа суд», – кажа Алег Агееў.
У той жа час былі выпадкі, калі такія абсурдныя пратаколы суд накіроўваў на дапрацоўку.
«Але тут патрэбная мужнасць суддзі і вялікае глупства [у пратаколе]. Тут таксама гэтае глупства бачна і ёсць шанец, што суд накіруе на дапрацоўку, бо гэты пратакол не вытрымлівае крытыкі», – зазначае Агееў.
Ад самага пачатку журналісты «Белсату» зазнаюць ціск уладаў. Некалькі разоў на нашых офісах адбываліся вобшукі, канфіскоўвалі тэхніку. Толькі за гэты год нашыя журналісты атрымалі штрафаў агульнай сумай каля $ 30 тысячаў.
Аднак, усе гэта не ўплывае на нашую працу. Мы развіваемся і запускаем новыя праекты. І хутка мы распачынаем новы сезон на нашым канале.
Штрафы журналістам па арт. 22.9 КаАП (табліца) АБНАЎЛЯЕЦЦА
@bajmedia
Верш Андрэя Аляксандрава загучаў па-ангельску. Акцыя да 1000 дзён зняволення медыяменеджэра
09.10.2023
Брэсцкая абласная пракуратура адсправаздачылася пра барацьбу з «экстрэмісцкай інфармацыйнай прадукцыяй»
16.04.2024
Дзяніс Івашын даслаў з‑за кратаў паштоўку і абяцае хутка лісты
14.08.2024
КПЧ ААН зарэгістраваў скаргу на незаконную ліквідацыю БАЖ
31.07.2024
