«Брестскую газету» назвалі лепшым рэгіянальным выданнем года ФОТА

— Удзел у конкурсе бралі 82 журналісты з 12 выданняў. З кожным годам мы назіраем рост якасці, мультымедыйнасці, дасканаласці публікацый, ну, і канкурэнцыя, зразумела, павялічваецца на рынку медыя, — гаворыць кіраўнік Асацыяцыі Сяргей Станкевіч. — Рэгіянальныя медыя ўмацоўваюцца, але і журналістаў добрых знайсці ўсё больш складана — многія сёння імкнуцца пераехаць працаваць у Мінск.

— У беларускай прэсе мне вельмі падабаецца блізкасць тэмаў да рэальных праблем людзей. У Польшчы рэгіянальныя выданні, напрыклад, шмат пішуць пра палітыку, выбары, змаганне. Хоць, можа быць, гэта і таму, што ў Беларусі менш палітыкі наогул, — усміхаецца сябра журы конкурсу, прадстаўнік Асацыяцыі лакальных газет Польшчы Мацей Кавальскі. — Чаго не хапае беларускім выданням, дык доўгатэрміновага плана — на 3, 5 ці 10 гадоў. Плана, які б паказваў рэдакцыям, куды рухацца ў перспектыве.

Зачем отдавать клики и просмотры другим редакциям? Ведущие медиа — о хайпе в журналистике ФОТО, ВИДЕО

Спіс пераможцаў па намінацыях:

Найлепшы матэрыял на беларускай мове:

«Беларус — мая вайсковая мянушка». Сяргей Блінкоўскі, «Ганцавіцкі час».

Адукацыя і культура:

“Культура — гэта апошняе, пра што тут думаюць”. Зоя Хруцкая, «Рэгіянальная газета», Маладзечна.

Найлепшае відэа ў медыя:

Анатоль Ціхан, «Ганцавіцкі час».

Найлепшае фота ў медыя:

Алег Рубчэня, «Інфа-кур’ер», Слуцк.

Найлепшы гістарычны матэрыял:

Сяргей Багдашыч, «Інфа-кур’ер», Слуцк.

Найлепшы аналітычны і эканамічны матэрыял:

Ірына Хамрэнка-Ушакова, «Вячэрні Бабруйск».

Найлепшы сайт рэгіянальнага медыя:

Газета «Узгорак», Горкі.

Найлепшае журналісцкае расследаванне:

Людміла Селех і Ала Вёрстава, «Брестская газета»;

Найлепшая сацыяльная акцыя года:

«Брестская газета»;

Найлепшая рэгіянальная газета года:

«Брестская газета».

Віншуем пераможцаў!