Блогера Мышкевіча з Гродна чакае суд
12 лістапада 2018
Гродзенскага блогера і актывіста Анатоля Мышкевіча 9 лістапада выклікалі ў Ленінскі РАУС, каб уручыць пратакол аб адміністрацыйным правапарушэнні паводле арт. 23.34 (“Парушэнне парадку арганізацыі альбо правядзення масавых мерапрыемстваў”).
Фота: praca-by.info
Апроч пратакола блогер таксама атрымаў планшэт, забраны правахоўнікамі на экспертызу падчас ператрусу 22 верасня 2018 года.
З пратакола вынікае, што адміністрацыйная справа ў дачыненні Мышкевіча распачатая пасля акцыі 16 верасня, калі у цэнтры Гродна з’явіўся плакат са здымкамі зніклых палітыкаў Юрыя Захаранкі, Віктара Ганчара, Анатоля Красоўскага і журналіста Дзмітрыя Завадскага.
Цяпер Анатоль Мышкевіч чакае позвы ў суд.
“Мне патэлефанаваў супрацоўнік міліцыі Вайцешка і прапанаваў прыехаць у РАУС. Я ніякіх тлумачэнняў гэтым разам не даваў. Лічу, што няма сэнсу іх рабіць ні ў міліцыі, ні ў будучым у судзе, таму што ніякага злачынства я не рабіў. Я лічу, што сам артыкул 23.34 КаАП парушае канстытуцыйныя правы грамадзян Беларусі”, — паведаміў Анатоль Мышкевіч у гутарцы з карэспандэнтам службы маніторынгу ГА “БАЖ”.
@bajmedia
Сотрудники «Белсата» призывают польские власти не уничтожать телеканал
12.07.2024
Ігар Карней сустракае новы год і свой дзень народзінаў у магілёўскім СІЗА
01.01.2025
Чэхія абмяркоўвае, як захаваць «Радыё Свабода»
17.03.2025
Абвешчаны поўны спіс твораў-намінантаў на прэмію імя Францішка Багушэвіча. Хто ў ім?
12.03.2025
