Судовыя цяжбы «Вячэрняга Магілёву» працягнуцца ў Мінску
5 жніўня 2019
Рэдакцыя газеты «Вячэрні Магілёў» у эканамічным судзе Менска 6 жніўня аспрэчыць рашэнне рэспубліканскай экспертнай камісіі па ацэнцы інфармацыйнай прадукцыі на прадмет наяўнасці ў ёй прыкмет праяваў экстрэмізм, паведамляе mspring.online.
Раней камісія ўгледзела прыкметы экстрэмізму ў двух матэрыялах выдання, у якіх ішла гаворка пра гвалт над ЛГБТ-людзьмі: «Лірычных пачуццяў нацягнутыя струны» і «У ва што выліваецца нецярпімасць да вычварэнцаў».
На падставе рашэння камісіі Ленінскі РАУС Магілёва пачаў адміністрацыйны працэс у дачыненні да газеты, які лагічна скончыўся судом. Ужо падчас працэсу ў судзе Ленінскага раёна юрыст выдання Станіслаў Леўчанка заявіў, што «Вячэрні Магілёў» абскарджвае рашэнне экспертнай камісіі ў эканамічным судзе Мінска. На падставе гэтага суддзя Аляксандр Бушкевіч часова прыпыніў разгляд справы ў магілёўскім судзе.
6 жніўня скаргу газеты ў Менску разгледзіць суддзя Алеся Касьянчык. Паседжанне прызначанае на 09:15 раніцы і пройдзе ў кабінеце 203.
@bajmedia
КДБ прызнаў «экстрэмісцкімі фарміраваннямі» медыяпраекты Media IQ і «Обычное утро»
25.06.2024
Улады прызналі «экстрэмісцкім» кантэнт старонак «Новага Часу», «Брестской газеты», «Белсата» і іншых медыяў
16.02.2024
Дзятлаўская раёнка прапануе далучыцца да свайго чат-бота «Перамогі»
05.02.2024
Сацсеткі «Аршанскай газеты» змясцілі паклёпніцкі допіс пра Ігара Казмерчака — рэдактара orsha.eu
30.07.2024
