Тэлежурналіста ў ЗША забілі падчас рэпартажу зь месца забойства

На прэсавай канфэрэнцыі шэрыф акругі Орындж Джон Міна сказаў, што напад на журналістаў адбыўся прыкладна ў чатыры гадзіны дня паводле мясцовага часу. Забойцы знаходзіліся ў сваім аўтамабілі ці побач зь ім.

Па словах шэрыфа, журналісты вялі рэпартаж аб забойстве, якое здарылася каля 11 гадзін раніцы, у выніку якога 20-гадовая дзяўчына атрымала сьмяротныя раненьні. У гэты момант падазраваны — 19-гадовы Кіт Мазэс — вярнуўся на месца здарэньня і адкрыў па іх агонь. Пасьля гэтага Мазэс зайшоў у суседні дом і адкрыў страляніну па маці з дачкой. Дзяўчынка загінула, маці знаходзіцца ў шпіталі ў крытычным стане.

Шэрыф Міна расказаў журналістам, што затрыманы Мазэс неаднаразова сутыкаўся з праваахоўнымі органамі — яго абвінавачвалі ў незаконным захоўваньні зброі, нанясеньні пабояў пры абцяжлівых абставінах, узброеным нападзе і крадзяжах з узломам.

Па словах шэрыфа, Мазэс быў знаёмы з застрэленай раніцай дзяўчынай, але ніяк ня быў зьвязаны зь іншымі ахвярамі стральбы. Паліцыянты пакуль ня ведаюць, чаму Мазэс страляў у журналістаў — магчыма, сказаў шэрыф, ён прыняў іх за паліцыянтаў.

Паводле Камітэту абароны журналістаў, у 2022 годзе ва ўсім сьвеце забілі 40 журналістаў, але толькі аднаго — у Злучаных Штатах.

Чытайце яшчэ:

БАЖ запускае апытанне аўдыторыі, каб быць карыснымі і цікавымі тым, хто з намі даўно, і тым, хто нас яшчэ не ведае.  Гэта дапаможа нам адаптаваць нашыя прадукты і кантэнт, удасканаліць іх і стаць карысным інструментам і плацдармам для развіцця беларускай незалежнай журналістыкі. Прайдзіце апытанне і дапамажыце нам стаць лепш!

Журналіст Аляксандр Івулін на волі!

«Беларуская мова — гэта маё каханне». Віленская настаўніца пра тое, як выкладае беларусам іх мову